مين في حياته

الكلام دة رائع بعتته ليا احدى صديقاتى المقربات الى قلبى الكتكوت

ربنا يكرمها ويكرمنا جميعا ... يارب ...امين

------------

مين في حياته
مين في حياته يعيش و ما يغلطش
يتكعبل و مايقعش
تغيم سماه و مايشفش
مين في حياته مع الأيام ماتهش
تضيع منه حاجه و ميضعش
يجي عليه الليل ماينمش
مين في حياته
في عز ضحكته مايدمعش
يفتكر امبارح و مايتوجعش
يفكر في بكره و ما يخفش
مين في حياته
حب و ماانجرحش
اتخدع و ما انكسرش
كان يتمنى ينسى و ما عرفش
مين في حياته
كان ليه حلم ما اتحققش
كان ليه صاحب و ماخانش
كان ليه جرح معلمش
مين في حياته
انجرح و مااتألمش
فرح و ما زعلش
حزن و ما صبرش
مين في حياته
بينه و بين نفسه ما ضحكش
على الناس اللي بميت وش
و هما بيتخنقوا على الدنيا اللي ما تستهلش

احلى غروب

اذيكم عاملين ايه

انا رحت اسكندريه اليومين الى فاتوا....قلت اشم اليود الى ف البحر احسن من شم الرنجه والفسيخ

ف شم النسيم......وصحيح انا كان نفسى ف حاجات كتير

بس الحمد لله

انا تعبت بابا معايا..:كنت كل شويه اقوله يالا نخرج ...يالا نخرج ..وهو مكنش بيتأخر...رغم انه مش بيحب الخروج اوى

المهم ودانى ف اول يوم كوبرى استانلى واد ايه منظر البحر من هناك جميل والنور ع المايه بألوان كتير

والهواء النقى حقيقى يرد الروح

وتانى يوم رحت عند اجمل مكان واحلى بقعه شفتها بعنيه لحد دلوقتى والى عمرى ما ازهق منها وكل مرة اشوفها اكنى بشوفها لاول مرة...عايزين تعرفوا هى ايه؟؟؟؟؟

البحر لحظه الغروب من عند بير مسعود اد ايه المظر دة مبهج وجميل

محدش يحس بالى انا بقوله دة غير الى راح المكان دة وشافه

احلى لحظه غروب ممكن انسان يشوفها ف حياته

شلالات..!؟!؟!؟! ......سبحان الخالق

مش عارفه اوصف جمال المنظر ......حقيقى ميتوصفش ...دة يتحس بس

الى يروح منكم اسكندريه يروح هناك ويشوف اد ايه المظر جميل وانتوا هتعرفوا انا بتكلم على ايه

انا مينفعش اروح اسكندريه منغير ما اشوف المنظر دة

----------------------------------------------------------------------------

يالا والاجازة خلصت وهنرجع لحياة الكفاح تانى

والله المستعان

الحمد لله رب العالمين