Saturday, March 31, 2007

سبحان الله وبحمدة &&& سبحان الله العظيم



سبحان الله

شفتو البطاطسايه دى عامله اذاى

دى ماما جابتهالنا من السوق ف وسط البطاطس

سبحان الله.

فاكرين البرتقاله الى ورتهالكوا قبل كدة الى لاقيناها ف حديقه جدو الى كان مكتوب عليها الله ومحمد

فى ناس قالت لى انها بتبقى رسائل ربانيه ولها معانى

بس انا مش عارفه ايه المعنى بالظبط

ومعناها ايه اننا نلاقى نعمه ربنا على شكل قلب او مكتوب عليها اسم الله الاعظم

واسم نبيينا حبيبنا محمد عليه الصلاة والسلام

الله اعلم

على فكرة انا مصوراها صورتين واحدة بوضع ليلى والتانيه نورمال عادى

علشان كدة الاضاءة مختلفه شويه

سبحان الله وبحمدة ..... سبحان الله العظيم

Friday, March 30, 2007

افراح افراح ....افراح افراح وورود




اذيكم جميعا
كان معمول ف استاد بنها الرياضى يوم الخميس 29/3/2007
حفل زفاف جماعى
ماما قالت لى على ميعادة وكنت فاكرة ان اقصى حاجه هيكونوا 5 عرايس
بس انا رحت وشفت بنفسى ...حقيقى منظر تحفه ...لاقيتهم 20 عريس وعروسه وكانوا كلهم قمامير وزى العسل وكانوا فرحانين اوى وانا كمان كنت طايرة من الفرحه رغم انى معرفش حد فيهم
بس بجد فكرة تحفه ...انا ايام الجامعه كنت انا واصحابى البنات نقعد نتخيل ونقول ياسلام لو كل اصحابنا البنات نتفق على يوم ونعمل فرحنا كلنا مع بعض ف يوم واحد...انا اول ما دخلت القاعه المغطاة ف الاستاد وشفت العرايس والفساتين البيضا والفرحه الى على وشوش الناس كلهم ...ساعتها افتكرت الجمله دى والى قلناها ايام الجامعه
دا كان احلى موقف واحلى مكان رحته ف الاسبوع دة واد ايه فرحنى واسعدنى من قلبى
ربنا يخليهم لبعض ويسعدهم ويبارك فيهم
ويساعدوا بعض على طاعه ربنا ويجوا يوم القيامه ماسكين ايد بعض وداخلين الجنه ...اللهم اميين

Wednesday, March 21, 2007

اللهم احسن خاتمتنا ..اللهم امـــــــــــين

من عــــــــــــاش على شىء مـــــــــــات عليه
ومن مــــــــــــات على شىء بعـــــــــــث عليه
---------------------------
من يتق الله يجعل له مخرجا ويرزقه من حيث لا يحتسب
---------

Friday, March 16, 2007

ان العين لتدمع

السلام عليكم
اذيكم اتمنى تكونوا بخير
عارفين لما طفل تجيله لعبه بيقعد يلعب بيها وياخد عليها لدرجه انه ممكن ميتصورش حياته من غيرها...وبعدين يجى الوقت الى يعرف ان اللعبه دى كانت مسروقه وانها لازم ترجع لصاحبها......تخيل احساس الطفل دلوقتى...تخيل انك تتصدم ف الحاجه الى حبتها ...وتخيل كمان لحظه معرفه الواقع المؤلم....وتخيل لحظه فراقك للعبه.
لا والى يضايقك اكتر انك مكنتش عايز اللعبه دى من الاول ولا عيطت لحد ما جاتلك ..دا هيا الى جاتلك لوحدها منغير سعى منك وافتكرتها لعبتك...
العيب مش ع اللعبه ومينفعش تزعل منها لانها كانت مسيرة مش مخيرة ......لكن العيب ع الى عارف ان اللعبه مسروقه وجبها لك


يمكن يكون العيب ع الطفل!!!انه أخد ع اللعبه وحبها المفروض انه كان يتحكم ف مشاعرة اكتر من كدة؟؟ وميتعودش على اللعبه ولا كان يحبها اوى كدة


المفروض كان يلعب بيها ذى اى لعبه تانيه وهو عارف انها ممكن تبوظ او تتضيع ف يوم من الايام....ساعتها مكنش هيزعل عليها ولا عينه هتدمع على فراقها...
للاسف دا ممكن يحصلنا ف حياتنا
...بتعيش وتحب وتخلص لحاجه رايحه ومش بتاعتك وتزعل لحظه فراقها حتى وانت عارف انها مش بتاعتك .....
فما بالكم بقى لو كنت فاكر ذى الطفل الى فرح بلعبته وافتكر انه هيكمل عمرة معاها وبعدين اكتشف الحقيقه المره وشاف بعنيه اللعبه وهى بتتشد من بين ايديه
انا مش قادرة اتخيل المشهد دة واد ايه الطفل بيصرخ
كفايا كدة ....ربنا ميعرضش اى انسان للاحساس دة
اسفه لو كنت غمتكم ........انها خاطرة ليس اكثر

Thursday, March 8, 2007

الحمد لله ان ربنا هو ربنا


السلام عليكم ورحمة الله وبركاته

إخوتى في الله,أحببت أن ارسل إليكم هذا الحديث القدسي الذي يبين مدى عفو الله وحبه لعباده,وهاهي الأيام بل السنين تمر بنا ونحن مازلنا غافلون عن رب العزة سبحانه وتعالى,هاهي رحمات الله تتغمدنا في كل وقت وكل حين ,أرجو أن تقرأوا هذا الحديث القدسي بقلوب خاشعة وأن تستشعروا عظمة الله في قلوبكم...اسأل الله أن يتغمدني وإياكم بعفوه ورحمته...اللهم آمين يقول الله تعالى في الحديث القدسي

إني والإنس والجن في نبأ عظيم

أخلق ويعبد غيــري

أرزق ويشكر سواي

خيري إلى العباد نازل

وشـرهـم إلي صاعـد

أتودد إليهم بالنعم وأنا الغني عنهم

ويتبغضون إلي بالمعاصي وهم أفقر مايكونون إلي

أهل ذكري أهل مجالستي

فمن أراد أن يجالسني فليذكرني

أهل طاعتي أهل محبتــي

أهل معصيتي لا أقنطهم من رحمتي

إن تابوا فأنا حبيبهم

وإن أبـوا فأنا طبيبهم

أبتليهم بالمصائب لأطهرهم من المعايب

من أتاني منهم تائبا تلقيته من بعيد

ومن أعرض عني ناديته من قريب

أقول له:أين تذهب؟ألك رب سواي؟

الحسنة عندي بعشر أمثالها وأزيد

والسيئة عندي بمثلها وأعفو

وعزتي وجلالي لو استغفروني منها لغفرتها لهم


ياااااة دا احنا وحشين اوى كدة وغافلين اوى كدة..

عارفين انا افتكرت حاجه دلوقتى كان قالها عمرو خالد ف حلقه من حلقاته وهو بيسأل طفل صغير وبيقوله ايه احسن حاجه حلوة ربنا انعم بيها عليك ...ورد عليه الطفل الراشد وقاله احسن نعمه ...ان ربنا هو ربنا

الحمد لله حمدا كثيرا كما ينبغى لجلال وجهه وعظيم سلطانه

Wednesday, March 7, 2007

حقيقى جزا الله من تعب لاجله كل الخير

منقول
ودة كمان حلو اوى اوى
الينك دة رائع ياريت تحملوة عندكم حقيقى انا مشفتش كدة
جزا الله كل من عمله وسعى لنشرة كل الخير
الحمد الله الذى هدانى لهذا
لاقيت الموقع دة قدامى الحمد لله زور السايت واعمل دون لود
ولا تترددوا

Saturday, March 3, 2007

لا يدخل الجنة إلا نفس مؤمنة


اذيكم انا فكرت تانى ف الموضوع الى كلمتكم فيه ف المقال الى فات وقلت لكم ان سؤال من تكون؟؟؟ صعب اوى.... انا كنت ناويه اكبر دماغى لان التفكير تعبنى وعطلنى كتير بس انا قمت من النوم الصبح عايزة ادور واعرف كل حاجه عن الموضوع دة
المهم

انا قلت لكم كمان هل من الصح ارضاء النفس ام عصيانها؟؟؟

انا عملت سيرش ع النت وشفت برامج وقريت حاجات كتير وكانت الخلاصه.......هى ان نفس الانسان ذى الطفل لو غلط او حاول يغلط بنقومه علشان ميتعودش ع الغلط ونصحح له غلطه ولو عمل حاجه كويسه بنكافئه ونشجعه

وكمان عرفت ان مش كل النفوس امارة بالسوء وقال تعالى (وَنَفْسٍ وَمَا سَوّاهَا * فَأَلْهَمَهَا فُجُورَهَا وَتَقْوَاهَا)يعنى النفس فيها الخير والشر لكن العبرة بمن يغلب على الاخر هل الفجور ام التقوى وقال تعالى ايضا (وَأَمَّا مَنْ خَافَ مَقَامَ رَبِّهِ وَنَهَى ٱلنَّفْسَ عَنِ ٱلْهَوَىٰ فَإِنَّ ٱلْجَنَّةَ هِىَ ٱلْمَأْوَىٰ)وكذلك تصرفاتنا لو كويسه بتعود علينا ولو شر بيعود علينا بردو

قال تعالى( إِنْ أَحْسَنتُمْ أَحْسَنتُمْ لاًّنفُسِكُمْ وَإِنْ أَسَأْتُمْ فَلَهَا)............لا يدخل الجنة إلا نفس مؤمنة.

قوله تعالى: {يٰأَيُّهَا ٱلَّذِينَ ءَامَنُواْ عَلَيْكُمْ أَنْفُسَكُمْ لاَ يَضُرُّكُمْ مَّن ضَلَّ إِذَا ٱهْتَدَيْتُمْ إِلَى ٱللَّهِ

انا تعبت صحيح من كتر التفكير ف الموضوع دة بس استفدت كتير حاجات مكنتش اعرفهاواهمها

انا النفوس مش كلها حلوة ولا كلها امارة باسوء وان النفس كالطفل لو ربناة كويس وصلح صلح الجسد كله وكان صاحبه من اهل الجنه وان فسدت النفس فسد صاحبها وكان من الخاسرين وكمان عايزة اقول ف الاخر قوله تعالى(إِنَّ اللَّهَ لاَ يُغَيِّرُ مَا بِقَوْمٍ حَتَّىٰ يُغَيِّرُواْ مَا بِأَنفُسِهِمْ)هى دى يا جماعه الى قلته اكتر من مرة ف المقالات السابقه عن محاسبه النفس وتقيمها ومعرفه الاخطاء لعدم تكرارها ..ومعرفه المميزات للعمل على ترقيتها وزيادتها
والله المعين لنا على انفسنا

معلش طولت عليكم ....بس الموضوع مهم ومكنش ينفع اقول فيه ما علينا واكبر دماغى لانه موضوع مهم ومكنتش واخدة بالى ....وربنا يكرم الى خلانى افكر ف الموضوع دة واوصل للكلام الجميل دة


والسلام عليكم ورحمه الله وبركاته

اسألكم الدعاء لى بألاخلاص

وشكرا

Friday, March 2, 2007

الحمد لله الذى بنعمته تتم الصالحات


السلام عليكم

اسفه ع التأخير والانقطاع عن الكتابه التى كانت بسبب التفكير فى اكثر من موضوع سوف اطرح عليكم ما يمكن طرحه منهم

اولا نوع من انواع التفكير مع النفس لمحاوله فهمها ومحاوله للبحث عن اجابه لسؤال: من أكون...الى اتسألته ومعرفتش ارد وحتى بعد ما فكرت كتير اوى وصدعت من كتر التفكير بردو موصلتش لاجابه مرضيه....لاقيت ان صعب اوى انى اوصف نفسى بصفه ما او احدد ماذا اكون وماذا اريد.......انا مش عارفه هل من الصح اننا نفهم نفسنا علشان منعملهاش الى هى عايزاة ولا احنا بنعرف نفسنا علشان نعمل حاله من المصالحه مع الذات...انا اعرف ان النفس امارة بالسوء...رغم ان دة مش عندى او ان نفسى مش بتؤمرنى بالسوء انا مش بشكر ف نفسى بس بجد انا اول ماحاولت افكر ف الموضوع فكرت من زاويه اذاى افهم نفسى واحبها بس افتكرت المقوله الى بتقول النفس امارة بالسوء..فمعرفتش اكمل تفكير لانى مش عارفه افكر من انهى زاويه.ما علينا الموضوع كبير والكلام فيه مش هيخلص

تانى موضوع كان شاغلنى هو اذاى ان راجل ملو هدومه وعندة شخصيه يرضى ان اهله يخطبوا له دى حاجه غريبه بس اكتشفت انها بقت منتشرة اوى الايام دى وكاننا بنرجع للخلف مش بنتقدم

مش معنى كلامى انى موافقه ان الولد والبنت يتفسحوا علشان يتعرفوا على بعض ....لا ...انا قصدى ان الى هيتجوز دة هو الى يختار بعينه مش بعين مامته ولا باباه ...يا خساره شباب اليومين دول...طبعا مش كلهم اكيد فى رجاله كتير عندهم شخصيه قويه

انا لاحظت كمان حاجه ان الشباب الى بيعرف ويصاحب بنات دة بيبقى ف اول قائمه الى بيتجوزوا جواز صالونات

ما علينا.....جواز الصالونات مش غلط على فكرة ولا فاشل بالعكس فى جوازات كتير ناجحه بس الى هيتجوز هو الى يشوف عروسته ويتعامل معاها ويشوف هيعرف يكمل حياته مع الانسانه دى ولا لا

(هو الى هيتجوز مش مامته ولا باباه

يالا ماهما اصلهم نفسهم يفرحوا بأبنهم فعايزين يجيبوا له لعبه علشان تفرحه........ماعلينا

الموضوع التالت هو انى كنت فى حاله اختيار صعب بين 1-انى اقلل ساعات شغلى فى حين انى اكمل حفظ القرأن ف دار التحفيظ

او2- انى اشتغل اكتر واكسب اكتر واسيب درس القرأن الى ربنا هدانى اليه واد ايه بيفرق معايا الدرس دة وبخرج منه كأنى مولودة من جديد ربنا يدومها عليا نعمه ويحفظها من الزوال

المهم بقى او الغريب ف الموضوع انى قررت اخد ساعات اقل علشان ميعاد الدرس ميتعارضش مع شغلى واخترت راحه بالى والحاجه الى فيها طاعه لربنا

لكن اليكم المفاجأة اتغير ميعاد الشغل بحيث يسمح لى ذلك بقبول العمل الاضافى وف نفس الوقت مسيبش الحاجه الى بحبها والى بتقربنى اكتر لربنا سبحانه وتعالى

وف النهايه احب اقول الحمد لله الذى بنعمته تتم الصالحات

الحمد لله كثيرا ملىء السماوات والارض وملىء ما بينهما كما ينبغى لجلال وجهه وعظيم سلطانه