السلام عليكم اذيكم
معلش اتأخرت عليكم
المسؤليات بقى ....هعمل ايه بس
الحياة ومشاغلها
انا بنصح كل بنت مقبله على الزواج انها تبقى بريمو ف الاكل
مش مسأله انها الحمد لله بتعرف تطبخ
لا لازم تكون عندها احتراف ...كأنها داخله مسابقه
والله المستعان
-----
يارب كلكم تكونوا بخير
الحمد لله بكرةاخر يوم ف كورس الفوتو وان شاء الله نتفرغ شويه لدرس القرآن ...الى حين ما اتشغل تانى بكورس جديد
كان بيقال ان فى كورس بريد قريب
بس الظاهر لسه مش استقروا على ميعاد
الله المستعان
الله يمسى كل مجموعات البريد الى اديتها قبل كدا بكل خير ويكتب لهم الهدى والصلاح ويرزقهم رزقا حلالاً طيبا مباركا فيه
هما وكل المسلمين والمسلمات
----
صحيح يا جماعه انا حاسه ان الاكل الى بعمله بقى مكرر وانا نفسى زهقت وعايزة اغير
ياريت الى يعرف اكلات جديدة يقولى عليها
اكيد طبعا الكلام للبنات...لان الولاد بياكلوا وبس ومش بيساعدوا ف حاجه خالص
ربنا يكرمهم يارب ويسترها ف طريقهم
ويفقهم ف حياتهم
يعنى الاكل العادى الى بعمله المكرونه والارز والبفتيك والبشمل الى معقدنى ف حياتى وعيشتى والبانيه والمحشى حبيبى بكل انواعه واصنافه
والكبدة وكباب الحله وطبعا السلطه ف كل وجبه غدا من ساعه ما اتجوزت وانا مواظبه عليها الحمد لله
ياريت كمان انواع اصناف جديدة لوجبه الفطار جزاكم الله كل الخير
يعنىحاجه غير الفول والطعميه والجبنه والحلاوة والمربه والبطاطس شيبسى او مهروسه
لو فى حاجه تانيه كتجديد وتغير ياريت افادكم الله
----------
موضوعاتى بقت تافهه حاساكم عايزين تقولوا كدا
بس معلش يا جماعه غصب عنى
موضوع الاكل دا عامل لى ازمه حقيقيه ف حياتى
وخصوصا ان زوجى جزاة الله كل الخير
انسان زواق ربنا يخليهولى يارب وميحرمنيش منه ابدا
