الأيام العشر من شهر ذي الحجة : فضلها ، خصائصها ، الدروس التربوية المستفادة منها
http://www.saaid.net/Doat/arrad/38.htm
طبعا بفكركم متنسوش ان فضل صيام الايام دى كبير
ربنا يعزنا ويرحمنا برحمتة الواسعة
---------------------------------------------------------
وعيد اضحى سعيد عليكم
اعادة الله عليكم بالخير واليمن والبركات
-------------------------------------------------------
اذيكم احبائى الكرام
يارب تكونوا بخير
والله يا جماعة الإنسان دا غلبان بشكل
لما بيتعب ولا يحصل له اى حاجه بسيطة جدا بيبقى بيتنطط ومش قادر يتحمل
انا أصلى تعبت من يومين كدا وحسيت انى بودع وكنت مش عارفه أخد نفسى
متقلقوش.... انا دلوقتى احسن كتير الحمد لله . بدليل أنى بكتب لكم اهه
بس الى عايزة أكلمكم فيه ان مشاغل الحياة بتخلى الواحد بعيد شويه او شويتين عن ربنا ...ولما بيصيبة مكروه بيبقى مش بيبطل قولة يا رب
والله أنا صحيح مقصرة شويتين ف الذكر وانى ابقى على طول بذكر ربنا ف وقت فراغي ...عارفه أنى مليش حجة رغم انشغالي بهيما إلا أنها مش حجة بردو
قال تعالى (رجال لا تلهيهم تجارة ولا بيع عن ذكر الله )صدق الله العظيم.
عارفين لما بقعد أفكر وافترض أنى هموت كمان ساعة وحد يسألني إيه إلى تتمنى تعمليه قبل ما تموتي ببقي حاسة أنى هقعد اذكر ربنا واستغفر لحد أخر لحظه ف عمرى
ولكن الواحد بيتلخم ف مشاغل الحياة وينسى الذكر والدعاء .. ويفتكرهم ف وقت الشدة وبس...رغم إن مفيش أحسن من الذكر والله
بيطمن القلب ويكسبنا حسنات ويمحى سيئات وميخلكش حاسس انك لوحدك أبدا
وتحس بقرب ربنا منك اوى
<ألا بذكر الله تطمئن القلوب>
ربنا يجعلنى واياكم ممن يستمعون القول فيتبعون أحسنه.
والله يا جماعة عندى كلام كتير عايزة اكلمكم فية بس والله النت كان فاصل الايام الى فاتت وكان فية شوية صيانه ف الكهرباء لان الارضى فصل وبوظ بورات الاجهزة.بس اوعدكم هتلاقوا بإذن الله نشاط الفترة الجاية ان شاء الله لو لينا ف العمر بقية
لانى بجد نفسى احس بكل الناس حواليا ...لانى فعلا محتاجه دا بجد الايام دى وحاسة انى لوحدى...وبفكركم وبفكر نفسى اننا على طول ف وقت فراغنا نذكر ربنا علشان منحسش الاحساس الصعب دا
وكمان دا وقتنا و عمرنا وبيعدى فلازم نكسب منه مش نضيعة كدا هباء..
بحبكم اوى
اللهم انى اسألك حبك وحب من يحبك وحب عمل يقربنى الى حبك.
خدوا بالكم من بعض ومن الناس الى حواليكم والى بتحبوهم وبيحبكوا..لان الحب دا نعمة كبيرة اوى من ربنا مش بيرزق بيها على اى حد .
