اناشيد

واقولك ايه

ف البحر سمكه

حبيبى انت رحمانى

حنينى

مع الله

تخيل

إلهي

بكت عينى

ليس الغريب

يارب ينالوا اعجابكم

من موقع http://www.islamway.com/

هذه الصورة في الحقيقة ثابتة وغير متحركة واذا كنت تشوفها تتحرك فهذا يرجع الى الضغوط النفسية عندك,, وكلما كانت حركتها سريعة هذا يدل ان الضغوط النفسية عندك كبيرة,,, واذا كانت حركتها بطيئة فان الضغوط عندك قليلة,,, واذا كانت الصورة ثابتة

لا تتحرك فانت بحالة جيدة

منقول

الجنه يارب

http://www.4shared.com/file/20367888/4fcd693d/05-.html

دة اللينك حلقه عن الجنه حلوة اوى اسمهوها

ولا تنسونى فى خالص دعائكم

اللهم اكتب لى ولاهلى الجنه

ولاصحابى ولكل من له حق على

ربنا يجمعنا تحت ظله يوم لا ظل الا ظله

ألوان من الحب

السلام عليكم

اليكم ملخص كتاب ألوان من الحب

كل انسان بيدور ع الحب
الطريق لقلب المرأة يبدأ بالشجاعه وينتهى بالتضحيه
لا حب بلا خطر لاحب بلا خوف بلا قلق...حين يدخل الاحساس بالخطر يصبح الحب اكثر عنفا واكثر قسوة....مثلما يحدث للجسم عند دخول ميكروب اليه.....انا معترضه على التشبيه دة لان الميكروب الجسم بيقاومه لكن الحب ...معتقدش!!!
لابد من التفاهم الصريح بين الطرفين فبه تتفادى الكثير من عقبات الحياة
ترى ماهو الحب؟هو علاقه بين اتنين قائمه على التفاهم والحنان لتحقيق الراحه والسرور ولكى يحرص الانسان على هذة الراحه فإنه يتعب ويضحى بالكثير من اجل نفسه ومن اجل الفتاة التى يحبها
يقول الكاتب ان الانسان والحيوان يتزوج ويتزوج لينجب ابناء...لأكن الفرق بين الانسان والحيوان هو الحب وان الانسان يختار اما الحيوان فلا----انا معترضه على المعلومه دى ...لانى ساعات بشوف حنيه غير طبيعيه واهتمام وتحمل للمسؤليه بين الحيوانات ..نادرا ما المسها بين البشر
انواع الحب 5 انواع:
الحب الرومانتيكى-حب الجسد-الحب الحرام-الحب الروحى-الحب الواقعى
الحب الرومانتيكى الخيالى ..مثل الافلام...والحب من اول نظرة ومن اول كلمه كل شىء فيه مفاجىء وعنيف كالبرق...الحب هنا لا ينمو تدريجيا...يرى فيه كلا الطرفين الاخر على انه بلا عيوب ولا نقائص..الحب الرومانتيكى كالملح والفلفل ولو كان الطعام كله ملح وفلفل لأصبح نار محترقه وحينئذ يموت الحب والمحبون معا
الحب الذى يقوم على الصدق والاخلاصوالوفاء والتضحيه هو الحب الروحى فى اعلى درجاته
الشاب العاقل هو الذى يستطيع ان يرفع الحب الى اسمى مراتبه ..الى الصداقه
اذا كان الحب كالسيارة فإن الصداقه كالطيارة..وهناك فرق كبير بين سائق السيارة وسائق الطيارة
حب الروحى هو ف الواقع حب القلب الكبير والعقل الناضج والفتاة تحب الرجل الذى يفهم حقيقتها ويقيم وزنأ كبيرا لمشاعرها...تحب الرجل الذى شعر انها قطعه من الذهب يجب ان تصان

الحب الواقعى: خليط من الانواع الاربعه ويوازن بين الحب والصداقه
المرأة تفضل الحب القليل الذى يدوم على الحب الكثير الذى لا يدوم

انصحك يا ابنتى ان تتزوجى الرجل البسيط السها الذى يعرف قدر نفسه ولا يبالغ فيها

الحب هو الخيط الذى يمسك حبات الحياة ولولا هذا الخيط لأنفرطت وتفرقت هنا وهناك

هناك فارق بين الحب والاشتباة ف الحب...الاشتباة ف الحب ..مثل الالمريضه والطبيب او المضيفه واحد الركاب
الحب الذى يولد مع الخوف تقتله الطمأنينه....وهو دة الاشتباة ف الحب.
الحب الواقعى يتكون من عدة عناصر منها:
1-الفهم السليم لما يشعر به الانسان هل هو حب ام اشتباة ف الحب
2- الايمان بالتغيير وان كل شىء يتغير وان الحب سيصاب بفتور
3-الاحترام ف الحياة الزوجيه هو طوق النجاة الذى يعلقه الزوج على عنقه وعلى عنق زوجته لكى ينجوا من الغرق
الاحترام ف الزواج مثل الاكسجين ف الهواء فلولاة ما احترق عود كبريت ف العالم واذا انعدم انعدمت الدنيا كلها
انامقتنعه اوى بالكلام دة
4- الاهتمام ....(فلأحترام والاهتمام تؤمان)........الاحترام والمبالاة طرفى مقص لايجتمعا الا ليفترقا واذا اجتمعا معا كان التفريق

كلام جميل كلام معقول مقدرش اقول حاجه عنه


الحياة الزوجيه الناجحه اساسها الثقه بالنفس..لو الزوج انهزم امام زوجته لغضبت..المرأة تحب الاعب القوى الذى لا يقهر
وهى تحب ان يقرها زوجها لانها تجد لذة فى ان تنهزم امام الرجل الذى تحبه والاحساس بنصر الرجل الذى تحبه ولكن لو انهزم حتى لو كان ذلك من اجلها فهى ترى ان هذة رقه لا لزوم لها

النتيجه الامعه التى انتهى اليها العلماء ان الحب يكون بعد الزواج وانهم يتفاهمون اولا ثم يتحابون بعد ذلك...فالتفاهم هو الطريق للحب
انا رأيي ان الحب موجود بردو قبل الزواج بين الخطيب وخطيبته وف اى علاقه بين البشر اهل او اصحاب
لكن بيكون اكتر بعد الزواج...دة رايي
ان قانوم الحب هو لقاء فموعد فكلام فسلام فأبتسام فنظرة....فحب!!!

ربنا يسعد كل الناس ويرزقهم بالحب
اللهم انى اسألك حبك وحب من يحبك

الموضوع كبيير

السلام عليكم
ياترى الحياة عامله ايه معاكم ..يارب الكل يكون بخيير
انا الحمد لله كويسه واحب اطمن الناس الى قلقانه عليا ان انا كويسه الحمد لله...وشكرا على اهتمامكم وسؤالكم عليا...نخدمكم ف الافراح ان شاء الله.
انا الحمد لله قمت انهاردة بدرى وصليت الفجر.. وحاسه بأحساس جميل اوى..اول مرة اقرأ اذكار الصباح والادعيه بالحب دة...كنت حاسه انى بحب ربنا اوى وانا بقول الاذكار بنفس وبتركيز ومكنتش حاسه انها حاجه روتينيه وبعملها منغير احساس....اول مرة اعرف انى بحب ربنا اوى كدة
معرفش دة من ايه ..مش علشان حاجه معينه..الله اعلم ..لكن قد يكون السبب انى صليت الفجر...وما ادراكم ماجمال صلاة الفجر...وان الواحد يبقى قاعد يذكر ربه وولى نعمته...والجو هادى جدا..ونور ربنا بيغطى ظلام الليل تدريجيا ....وياسلام على صوت العصافير وهى بتسبح ربنا ....سبحان الله....
--
يمكن يكون سبب انتعاشى انهاردة بردو...حلقه عمرو خالد عن الحب الى سمعتها امبارح هى فيها جزء مهم اوى عن حب ربنا....انا بقالى فترة بفكر يعنى ايه حب ...وايه هو الحلال والحرام ف الموضوع دة ...وبصراحه انا سمعت كتيير ان الحب بيجى للناس كلها وممكن منحسش بيه ولا نعرف اذا كان حب حقيقى ولا تهيأت وتضلليل وخدع من الشيطان ..ولان الموضوع مهم وشاغلنى بقالو فترة واكيد شاغل ناس كتيير فكان لازم افكر ف الموضوع وابحث فيه وقد كان الحمد لله
جبت كتاب لكاتب معروف جدا ..اسمه ألوان من الحب....انا هقولكم على الخلاصه بتاعه الكتاب ...صحيح الكتاب فيه كلام انا مش مقتنعه بيه اساسا...ودة انا مش هطرحه عليكم لكن فى بعض الكلام الى اقتنعت بيه
وهو دة الى هتكلم عنه..واقولكم الى فهمته من الكتاب
الاول وقبل ما احكى لكم مضمون الكتاب..عايزة اكلمكم على حلقه عمرو خالد عن الحب لان اسلوبه حلو اوى وربنا يبارك له يارب ويجعله سبب ف هدايه الناس كلها
كانت خلاصه الحلقه ...ان الحب موجود والى مبيحبش وقلبه مبيدقش يبقى مش طبيعى...ودى فطرة وغريزة موجودة عند كل البشر....لكن المهم نفكر هل الحب دة بيغطب ربنا ؟بنكدب على اهلنا؟؟لو الموضوع فيه اى حاجه تغضب ربنا !!!يبقى اول حاجه تيجى ف بالنا ان الموضوع دة كدة حرام وربنا مش هيباركه ابدا
ولو لاقيت ان علاقتك بربنا بتقل وبتتجهه للخلف وبتقع ف حياتك وف شغلك وعلاقتك بتسوء بالى حواليك يبقى فى حاجه غلط
الحب الصح الحلال بيقوى ويخلى الانسان يرتقى ويبقى احسن مش اسوأ...لو بقت للاسوأ يبقى الحب دة حرام ومينفعش
ولو فكرت شويه هتعرف انك كدة بتدارى على اهلك او لو بنت انك بتدارى على اهلك انك بتكلمى فلان من وراهم ..لو فكرت انك بداروا وبتكدبوا علشان خايفين من اهلكم...ولو بصيتوا للموضوع بنظرة اوسع شويه هتلاقوا انكم بتخافوا من اهلكم ومش عايزينهم يعرفوا ...ولكن ربنا سامع كل كلمه تخافوا ان اهلكم يسمعوا كلامكم ومش بتخافوا من ربنا لو الانسان فكر بحكمه هيحتقر نفسه لانه هيكتشف انه خايف من الناس ومش خايف من خالق الناس رب الناس
كلنا بندور ع الحب ونتمنى نعيش حياة هادئه كلها تفاهم وحب
بس مهم نفهم صح يعنى ايه حب...
لان ناس كتيير فاهمه انها كلمه من حرفين فسهله ع اللسان كل شويه تتقال منغير احساس او بلا داعى
بيقول عمرو خالد ان فى حب وانه موجود وان سيدنا ادم لما دخل الجنه استوحش...كانت نقصاة حاجه...فربنا خلق حواء من ضلعه..علشان تكون جزء منه و بيكملوا بعض..ولما سألها ادم انتى مين؟ قالت له انا حواء خلقت لتسكن الي.
بيقول حاجه حلوة اوى...انا لاقيتها بردو ف الكتاب العجيب..بتقول ان ادم خلق من طين من الارض علشان يقدر على شغل الارض والعمل الشاق ومصاعب الحياة...لكن حواء خلقت من شىء حى علشان تكون رقيقه وحساسه...وتكون رومانسيه اكتر وعاطفيه اكتر من زوجها ....وليس العكس...وفى حاجه كمان ان حواء خلقت من ضلع ادم وهو نائم...انا عرفت التحليل بتاعها من الكتاب بردو وهو ان الرجل لو شعر بالالم بيكرة...لان عاطفته مش جامدة ذى المرأة..علشان كدة سبحان الله خلقت حواء منه وهو نائم حتى لايشعر بأى الم ولا يكرة رفيقته...اما الام تلد وهى مستيقظه...ورغم انها تشعر بألم الا انها تحب اولادها اكتر من نفسها...ودة راجع لان عاطفه المرأة اكتر من الرجل.....ٍسبحان الله
قال القرطبى...ان الملائكه سألت ادم اتحب حواء فقال نعم احبها...وسألت حواء اتحبى ادم فقالت لا...وفى قلبها اضعاف مضاعفه
قال كمان المثال الى كلنا عارفينه:لما ذهب رجل لعمر بن الخطاب ليشتكى له من زوجته وانها ترفع صوتها عليه.....ولما لقى ان زوجه عمر بن الخطاب تفعل ذلك ايضا...فتراجع ولكن الخليفه سأله لما جأتنى ...فحكا له..
فقال له انها تحملتنى و غسلت ثيابى وجملت بيتى وربت اولادى ولم يأمرها الله بذلك ..افلا اتحملها ان رفعت صوتها!!!!
قال نموزج شافه عمرو خالد ف رجل ف الستين وكان ف الخارج وظل يبحث عن هديه ترضى زوجته ويقول يا ترى هتعجبها ولا لا.....لالالا طب اشوف دى هى بتحبب اللون دة ... تخيلوا شيخ ف الستين يحب زوجته هكذا وكأنه ابن العشرين...وعندما زارة فى بيته عرف سبب حب الرجل لزوجته وهو فى هذة السن..كانه شاب...:ان السبب انه هو وزوجته اسسا بيتهم على طاعه الله و اجتمعا على طاعه الله وكانوا يذكرون الله سويا ويجعلوا لهم ورد يومى لقراءة القراّن لا يعطلها شىء
وعلشان كدة ربنا مبارك لهم ف بعض ومخلى الحب ما بينهم كأنهم لسه عرسان جداد..ربنا يسعد كل الازواج ويتقوا الله ف بعض
(لو رجعت طاعه ربنا ف البيوت هيرجع الحب ف البيوت تانى)
اخر حاجه قالها استاذ عمرو خالد هى اعظم قصه حب ف التاريخ؟؟؟؟؟يا ترى روميو وجولييت ولا قيس وليلى..ولا حسن ونعيمه؟؟؟؟مش كل دول لانها لم تنتهى بنهايه سعيدة بالزواج
لكن احلى قصه حب (قصه حب الرسول عليه افضل الصلاة والسلام والسيدة خديجه)تموت السيدة خديجه ويظل زوجها يحبها طول حياته...ولم يتزوج بعدها الا بعد 14 سنه...ويقول (وهل فى مثل خديجه)
وغارت السيدة عائشه من حب النبى للسيدة خديجه بعد موتها...,وقالت للنبى عليه الصلاة والسلام اتظل تذكرها وقد ابدلك الله من هى خير منها!!!.....فقال لها: لا والله ما ابدلنى الله من هى خيير منها
واستنى حين طردنى الناس
وصدقتنى حين كذبنى الناس
فشعرت السيدة عائشه ان النبى غضب منها فقالت له استغفر لى يا رسول الله...فقال لها استغفرى لخديجه كى استغفر لكى.....
ممكن يكون فى حب كدة...بعد 14 سنه من وفاة زوجته حتى بيخلص لها ف مشاعرة
هو دة الحب.....
الحب مش كلمه بتتقال خلاص ....لا الحب حاجات كتيير متتقالش
اعتقد ان الحب لازم يكون نابع من اقتناع عقلى..وللحديث بقيه....
كدة انا طولت عليكم سورى بجد واتمنى تكونوا استفدتوا والحلقه دى لو كانت مساحتها صغيرة كنت مدوشتكوش كدة وبعتها تسمعوها افضل وبأسلوب الانسان العظيم عمرو خالد...ربنا يكرمه ف ابنه علي ويجعله من الصالحين...يارب اميين
الكتاب بقى هقولكم المفيد ف المرة الجايه علشان مبقاش تقلت عليكم واتمنى اكون افدتكم
والسلام ختام..
..سلام مؤقت

عودٌ أحمد

السلام عليكم ورحمه الله وبركاته

يارب تكونوا كلكم بخير وسلامه وف احسن حال

عدتُ انا سالمه الى بلوج هبهوب ساحه لا اله الا الله

ياترى الحياة عامله ايه دلوقتى والناس اتغيرت ولا لسه

والله انا مش عارفه اكتب واقول ايه

انا دخلت اكتب ف البلوج علشان بعض من اصحابى الى غاليين عليا طلبوا منى انى اكتب لان بقالى فترة منقطعه عن الكتابه

بس والله يا جماعه اعزرونى بجد مش عارفه اكتب ايه ولا اقول ايه

سيبوا كل حاجه تيجى لوحدها...وانا لما هيكون عندى جديد اكتبه هبقى ادخل واكتب واغرقكم كلام

حاسه انى عاجزة عن الكلام والكتابه والتفكير...حاسه انى عايزة اخد اجازة من الحياة خميس وجمعه وهبقى تمام

انا كويسه والله لا تقلقوا...بس محتاجه اقعد مع نفسى شويه

بحبكم ف الله...وشكرا على اهتمامكم