اخيرا وصلنى تاج....الحمد لله

تاج مقدم من بلوج الصباغ

1

هل توافق على حزف خانة الديانة من البطاقة الشخصية ؟
لا اوافق

3

هل تعتقد بوجود إضطهاد للمسيحين فى مصر ؟

لا اعتقد

4

من هو الشخص الذى تختارة لرئاسة مصر ؟

اختار مصطفى بكرى

5

أذا قمت

بتأسيس حزب سياسى .. من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟

هل توافق على مشاركة كل من : الإخوان المسلمين - الأقباط فى الحكم ؟

اضم كل من هم ذى ثقه على الحفاظ على البلد دى وبيخافوا على مصلحتها سواء اخوان او مش اخوان او اقباط...المهم المصلحه ف الاخرتكون للشعب
وذى ما فى ف مجلس الشعب من كل الشرايح تقريبا الناس الى بتمثل شريحتها وبيتكلموا بلسانهم ..مفيش مانع يكون فى اقباط

6

فى رأيك الشخصى .. ما هى أفضل مدونة على بلوجر قمت بزيارتها ؟

هما كتير منهم
احاسيس- الساحر-اخف دم- خالو احمد-انسانه-دراما كوين –عابد الرحمن

7

للذكور فقط : أيهما تفضل كزوجة .. إمراءه عاملة ، أم ربة منزل ؟

للإناث فقط : هل توافقين على الزواج من رجل مطلق ؟

لا اعتقد في ذلك

8

اذا تزوجت وأنجبت ولدين وبنتين .. أى الأسماء تحب أن تسمى ؟

رحمه وسارة..وأحمد وحسام

9

هل تعتقد أن توريث الحكم فى مصر . . سيتم فعلا أم لا ؟

لا اعتقد في ذلك
10فى رأيك الشخصى : ماهو أفضل إنجاز لحكومة مبارك ؟ وما هو أسوأ عمل قامت به ؟

ايه التخبيط دا بس ...ارفض الاجابه

---

لمن تمرر هذا التاج ؟
امرر هذا التاج على اخى انسان جديد
و انسانه ومش انا و خالواحمد الصباغ واحاسيس ودراما كوين عابد الرحمن والساحر واخف دم وماروووش والشاعرو ف العمق مكان للحرية وكتابات
وعلى اصحابى كلهم ومتابعى البلوج الى اعرفهم والى معرفهومش وعلى رأسهم متابعى البلوج الدائمين ريهام رومى وفاطمه الزهراء وميوى
امررةعليك انت يا من تقرأ الان ممكن ترد هنا ف البلوج لو مش عندك بلوج
واحب اضيف عليهم اسئله تانيه
انا محاولتش اجاوب عليهم بس احب اقرأ ردودكم عليهم
1
هل كتبت مرة بوست ف البلوج ومسحته؟امتى وكتبت ايه؟؟؟ لو مش عندك بلوج ...هل كتبت حاجه ف ورقه وقطعتها؟؟؟ او ايميل ومبعتوش؟؟؟

2
لو حسيت بحد بيتظلم قدامك هتعمل ايه؟؟؟؟

3
لو رايح المريخ وهتاخد حاجات معاك هتاخد ايه؟؟؟ ولو شخص هتاخد مين؟؟؟؟

4
لو حصل لك ايه ف حياتك هتقول كدا كفايا انا كدا حققت الى بتمناة؟؟؟

5
ماهو الرقم المفضل لديك؟؟

6
من اكثر الشخصيات المؤثرة عليك ف حياتك شخصية عامه و خاصه؟؟؟

7
شخص تضحى بحياتك من اجله؟؟؟؟

8
اجمل اغنيه .و...اجمل نشيد ..و...افضل شيخ ..و..افضل منشد..و..افضل مكان؟؟؟؟؟

9
لما تكون سعيد يتعمل ايه ...ولما تكون مخنوق بتعمل ايه او بتروح فين؟؟؟؟

10
هل ممكن تتأسف لأنسان ..لو كنت غلطان؟؟؟

11
امتى مريت بموقف مضحك اوى ومكنتش قادر تمسك نفسك من الضحك؟؟

12
لو هتموت بعد ساعة (بعد الشر) ايه اول حاجه هتفتكر انك المفروض تلحق تعملها؟؟

الذكريات تطردنى

السلام عليكم
اذيكم عاملين ايه وحشتونى
اسفه على التأخير عليكم بس ضغط شغل اعمل ايه... الحمد لله
انا مقدرش ابعد عنكم ابدا ولا عن البلوج لانى فعلا بلاقى نفسى فيه وبحس انى سعيدة فعلا وانا بكتب وبقول كل الى ف نفسى
انا حابه احكيلكم عن يومى انهاردة
انا رحت الشغل الساعه 9 الصبح وخلصت الساعه 3 المهم الجو انهاردة مطرة والحياة مبلوله خالص
المهم كان عندى درس قراّن الساعه 3 رحت الدار ملقتش حد راح لان الدنيا كانت مطرة قلت الحمد لله علشان اتكى على الحفظ اكتر
رجعت البيت ورنيت على ماما الجرس من تحت البيت علشان اقولها عايزة حاجه اشتريهالك من برة؟؟
المهم قالت لى ايوة ولاقيت لستة الطلبات اتحدفت لى من فوق ... المهم رحت واتمشيت وانا بجيب الحاجه والشوارع فاضيه وكنت حاسه انى ملكة زمانى .. مفيش حس خالص والناس كلها مستخبيه ف بيوتها من المطرة ..بس بصراحه الجو كان روش وتحفه اوى انا فضلت اتمشى واتمشى وحاسه انى خفيفه اوى وطايرة ف الهواء ومبسوطه اوى من الجو ومن الهدوء ومن الفضا ... بجد كنت حاسه انى ماسكه النجوم بإيدى
يوووووة نسيت كنت جايه اقولكم ايه انهاردة كنت جايه اللخص لكم الكتاب التانى
يارب يكون عجبكم الكتاب الى فات وبصراحه كان احلى من الكتاب دا "الذكريات تطاردنى"دا اسم الكتاب..بصراحه انا جبت لكم منه مقتتطفات استوقفتنى رغم انه ككل مش عجبنى اوى...
انا جاتلى ردود من ناس على الميل ان لما بلخص كتاب بتكلم فيه على لسان الكاتب ومش بقول رأيي فيه... دا حقيقى فعلا انا لما بقول كلام الكاتب الى ف الكتاب انا بكتب الكلام الى فعلا حاسه انى مقتنعه بيه علشان كدا مش بقول انى مع الرأى دا او لأ ولو بختلف ف نقطه معينه مش هكتبها اصلا ولو حسيت انها مفيدة ليكم هقولها حتى لو مش مقتنعه بيها وهقول رأيي فيها ايه وبختلف ف ايه مع الرأى دا
عموما الكلام الجاى دا هو بعض الجمل الى عجبتنى ف الكتاب التانى ويارب تعجبكم وتفيدكم:

اجعل قيادة قلبك بين يديك ولا تتنازل عنها ابدا....ردد لنفسك ان من يستطيع الابتعاد عنى لا يتسحق منى ان امنحه لحظه واحدة من عمرى ولو بالتفكير
من الجميل ان تحرص على عدم تكرار التجربه السيئه التى مررت بها، ولكن مع ضرورة الحذر من المبالغه في الخوف، حتى لا يمنعك من السعادة في حياتك فقد قيل عن حق ان الخوف هو اسوأ مستشار للأنسان ويفضل طردة فورا واستبداله بالحذر المعقول
من لم يتفقد النقصان فى نفسه فهو في نقصان ومن يتعامل مع الحياة على انه كامل يخسر بشدة واثبتت الحقائق العلميه انه لا يوجد شئ يستمر على حاله، ولابد أن يتغير إما الى زيادة أو الى نقصان
العجوز الحقيقى هو من يكتفى بما حصل عليه في الحياة ولا يقاتل لزيادة نصيبه من الوعى والنضج والنجاح والسعادة
من يتذكر الله سبحانه وتعالى سيفوز بتذكر الله له ، وفي ذلك الفوز العظيم......"احفظ الله يحفظك"
الاذكياء هم الذين يربتون علي انفسهم بحنان وحب واحترام عند وقوعهم فس اى خطأ ليس للتقليل منه او الاستهانه به ، وانما للمساعدة فى تقليص توابعة لأقل درجة ومواصلة الحياة بثقة وثبات
تذكر دائما انه لايوجد انسان يحظى بالقبول الدائم و يفوز بكل ما يريد فى تعاملاته الانسانيه وانه من الطبيعى ان نختلف مع من نتعامل معهم، ايضا الانسان الذكى هو الذى يفرح بما لديه ويحاول زيادة نصيبه منها عن طريق المواجهه الذكيه لما يكره وليس عن طريق الهروب الى عالم الخيال لانه يضاعف من معاناته في الحياة بلا ايه فوائد...بصراحه انا شايفه ان الخيال له فايدة وفايدة كبيرة كمان وبتخيل كمان ان الى عايز يعمل حاجه ويخطط لها وعايز يحققها ...لازم يحلم بيها ويتخيلها الاول...وشايفه ان دا بيساعد على تحقيق الهدف
ان ما لا يدرك كله لا يترك كله
التراجع فى بدايه الاعجاب يكون اسهل بمراحل كبيرة منه بعد الارتباط العاطفى
الحياة مهما طالت قصيرة ، وليس من الذكاء إهدار أى ثانية منها مع اناس لا يعطوننا ما نستحقه من الاحترام
لابد من التفرقه بين الحب والاعجاب ، فالاول لا يأتى الا بعد تعاريف حقيقى وتفاهم متبادل ومعرفه عيوب الاخر وعدم الاقتصار على رؤيه مزاياه ، اما الاعجاب فهو احساس يغلب عليه الانبهار بصفة من صفات الاخر ، مما يحول دون النظر بموضوعية الى بقية الصفات وهو ما يوقع الانسان فى توهم الحب وقد يساعد على ذلك وجود إحساس بالفراغ العاطفى او رغبة في التخلص من ذكريات حب فاشل واستبدالها بحب اخر
تذكروا دائما ان الحب الناضج هو الحب المتبادل بين طرفين يحرص كل منهما علىاسعاد الاخر ، اما الحب المريض فهو الذى يتعذب فيه طرف من هجر الطرف الاخر له.
اسفه انى طولت عليكم ...واسفه لو الكلام جامد عليكم ..انا الى فعلا قلبى وجعنى لما قريت الكلام دا تانى وانا بكتبه دلوقتى ...ومكنتش هكتب ملخص الكتاب دا ليكم الا انى وعدتكم انى اكتب لكم ملخصه
عموما يارب يفيدكم وربنا يكتب لكم كل خير ويسعد ايامكم قادر يا كريم ومتشوفوش يوم وحش ابدا
سلام

غزة تغرق في ظلام دامس

http://www.islamic-lyrics.com/index.php?action=songs&id=55&album_id=74

اللهم حرر المسلمين فى غزة يا ذا الجلال والعزة

اللهم انصر أخواننا المجاهدين المرابطين في غزة..اللهم مكن

لهم وثبتهم وسدد رميهم ..اللهم زلزل الأرض من تحت أعدائهم واقذف الرعب في قلوب أعدائهم منهم

اللهم احفظهم بمعيتك وحفظك

ربنا انهم على ثغور الأسلام مرابطين بينما غيرهم في السبات غارقين فانصرهم ياعزيز يا منتقم ياجبار

اللهم آمين آمين آمين

http://www.islamic-lyrics.com/index.php?action=songs&id=55&album_id=74

إِبك تبك وحدك ، وأضحك تضحك لك الدنيا

اتمنى تكونوا بخير..احب اعرفكم انى بعد انقطاع دام حوالى 6 شهور على انتهاء اشتراك مكتبه مبارك الا انه تم تجديدة ثانياً
ورحت فعلا مع ريهام رومى ربنا يسعدها يارب ويوفقها ف امتحاناتها وتبقى دكتورة متفوقه ومن هنا ادعوكم جميعا يا زوار بلوج هبهوب كلكم بالكشف المجانى عند الدكتورةوهى مش هتمانع ان شاء الله..ربنا يعافينا ويعافيكم اجمعين..ومنزورهاش ابدا
المهم انى جبت كتب حلوة اوى وكنت بدور على كتب لعبد الوهاب مطاوع الاب الروحى ليا ولانى كنت فعلا محتاجه انى اقرأله اى شىء خصوصا ف الفترة الى فاتت الا ان كل الكتب الى لاقتها ليه يا اما كنت قرتها قبل كدا وبعضهم لم يستهوينى عموما فى كاتبه هايله جدا وقرأت لها اكتر من كتاب وهى واخدة نفس منهج عبد الوهاب مطاوع رحمه الله فى اسلوب" سرد قصص من الحياة وفضفضه الناس وطرح الحل لها" ...وجبت لها كتابين وقرأت احداهم ودونت الملاحظات ...ويارب تعجبكم...وقريبا هكتب لكم خلاصه الكتاب التانى لما اخلصه اسمه" الذكريات تطاردنى"....انتظروه قريبا
واليكم ملخص الكتاب الاول:
الرومانسية ليست عيبا فى حد ذاتها،مالم تمنعنا من رؤية الواقع كما هو وليس كما نتخيله
قد قيل يوما من كان فى نعمة ولم يشكر، خرج منها ولم يشعر
الغضب يجعلنا لا نرى جيداً
لاتدخل فى تجربه عاطفيه جديدة قبل التصالح مع الدنيا ومع نفسك،حتى لاتواجه فشلا جديداً
خيركم اعذركم للناس
يا فتاه :لا تتدفق مشاعرك لأى شاب مهما بلغ انجذابك نحوه، والاتدعى أى انسان يثق فى حبك البالغ له مما يجعله يستهين بك
منطق إما أن احصل على كل ما أريد كاملاً او (مش لاعب)....هذا منطق خاطئ
إن الاذكياء يستبدلون أحلامهم الضائعة بأحلام أفضل،ويقاتلون لتحويلها الى حقائق تضيئ حياتهم
عدو عاقل خير من صديق جاهل،
المراسله علاقه غير حقيقية..فهى تفتقر إلى التواصل الانسانى، الذى يبدو فيه الانسان بكامل حقيقته
فى الدنيا كثير من اغبياء الاحاسيس، الذين يجرحون غيرهم بالكلمات القاسية
إذا ابتسم المهزوم، فقد المنتصر لذة الفوز
قيل قديماً :أن ضرساً يؤلمنى أهم من مجاعة ف الصين
تذكرى ان الحياة رحلة قصيرة ، فلا تبددى ايامها فى عناء بلا جدوى
أِبك تبك وحدك ، وأضحك تضحك لك الدنيا...
إن الرفق إذا وجد فى شئ زانه ، وإذا نزع من شئ شانه..
إن من الطبيعى ان تقل ثقتنا بأنفسنا فى بعض الاحيان ، وأن نستردها فى اسرع وقت دون قسوة على النفس
الاهم من الاعتراف بالخطأ هو عدم تكراره
إن من قال هلك الناس فقد هلك
الحب يقوم على الاحترام المتبادل ..الاحترام والاهتمام وجهان لعمله واحده

أعظم متعة فى العالم هى أن تنجح فى الأمر الذى تنبأ لك الأخرين بالفشل فيه.

وهختم بأية قرأنية ف سورة فصلت .."وما ربك بظلام للعبيد" وأن كل انسان لديه المقومات ليظفر بحياة سعيدة وجميله ، وإن معظم الناس يتناسون أجمل ما لديهم

انتظروا الكتاب القادم....من تحت الماء