يارب

اللهم إنى عبدك، وابن عبدك، وابن أمتك، ناصيتى بيدك، ماضٍ فيّ حكمك، عدلٌ فيّ قضاؤك، أسألك بكل اسم هو لك، سميت به نفسك، أو أنزلته فى كتابك، أو علمته أحدًا من خلقك، أو استأثرت به فى علم الغيب عندك، أن تجعل القرآن العظيم ربيع قلبى، ونور صدرى، وجلاء حزنى، وذهاب همى

---

إنه لا ييأس من روح الله إلا القوم الكافرون

---

إنما يوفى الصابرون أجرهم بغير حساب

الدنيا دار ابتلاء، وليست دار قرار

--

من لزم الاستغفار جعل الله له من كل ضيق مخرجًا، ومن كل هم فرجًا، ورزقه من حيث لا يحتسب»، فالله سبحانه قادر على تفريج الكربات مهما اشتدت

----

اللهم يا رحيييييم دبر لى فأنى لا احسن التدبير

اللهم اصلح لى شأنى كله ولا تكلنى الى نفسى طرفة عين

يارب نور لى طريقى لما تحب وترضى

ان

--

الى بيحب بلوج هبهههوب لازم يدعيلها..ربنا يصلح لها حالها ويكتب لها الخير

‏استغفر الله

--
لااله الا الله وحده لاشريك له له الملك وله الحمد يحيي ويميت وهو على كل شئ قدير
كلمتان*** ‏تجلب لك كل خير***
هناك كلمتان بسبها تمطر السماء
***
و يذهب الفقر
***
وهنا الدليل
جاء رجل إلى الحسن البصري فقال له: ‏إن السماء لم تمطر!!
فقال له الحسن: ‏استغفر الله
ثم جاءه آخر فقال له: ‏أشكوا الفقر!!
فقال له : ‏استغفر الله
ثم جاءه ثالث فقال له: ‏إمرأتي عاقر لا تلد!!
فقال له : ‏استغفر الله
ثم جاءه بعد ذلك من قال له:‏اجدبت الارض فلم تنبت!!
فقال له: ‏استغفر الله
فقال الحاضرون للحسن البصري : ‏عجبنا لك أوكلما جاءك شاكٍ قلت له استغفر الله؟فقال لهم: ‏أوما قرأتم
قوله تعالى:
((‏فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * ‏يُرْسِلِ السَّمَاءَ عَلَيْكُمْ مِدْرَارًا* ‏وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا ))
نوح:10-12
هل تريد راحة البال وانشراح الصدر والمتاع الحسن؟
استغفر الله
((وَأَنِ اسْتَغْفِرُوارَبَّكُم ْثُمَّ تُوبُوا إِلَيْه يُمَتِّعْكُم مَتَاعاً حَسَناً))
هود:3
*****
هل تريد دفع الكوارث والامن من الفتن والمحن؟
استغفر الله
((وَمَا كَان اللَّهُ لِيُعَذِّبَهُم وَأَنْتَ فِيهِمْ وَمَا كَان اللَّهُ مُعَذِّبَهُم وَهُمْ يَسْتَغْفِرُون)) ‏الأنفال:33
هل تريد تكفير السيئات وزيادة الحسنات ورفع الدرجات؟
استغفر الله
((وَقُولُوا حِطَّةٌ نَغْفِرْ لَكُمْ خَطَايَاكُمْ وَسَنَزِيدُ الْمُحْسِنِينَ))
البقرة:58
فيا من مزقة القلق واضناه الهم وعذبه الحزن
عليك بالاستغفار
فانه
يقشع سحب الهموم ويزيل غيوم الغموم
وهو
البلسم الشافى والدواء الكافى
الاستغفار
هوعلاجك الناجح من الذنوب والخطايا
لذلك امر
النبى صلى الله عليه وسلم
بالاستغفار دائما
بقوله

((يا ايها الناس استغفروا الله وتوبوا اليه فانى استغفر الله واتوب اليه فى اليوم مائة مرة))

--

اوصيكم قرائى الاعزاء...ألزموا الاستغفار

استغفر الله العظيم ملئ السموات وملئ الارض وملئ ما بينهما وملئ ما شئت من شئ بعد

استغفر الله العظيم عدد ما كان وعدد ما يكون وعدد الحركات والسكون

-

وانا ف درس القرأن انهاردة كنا بنسمع ربع ليس البر....المهم كان فيه ايه مريحه اوى

ايه186

الى بتقول ..وإذا سألك عبادى عنى فأنى قريب اجيب دعوة الداع إذا دعان

فليستجيبوا لى وليؤمنوا بي لعلهم يرشدون

-

يارب تكونوا كلكم بخييير

اسألكم الدعاء ....ادعو لى ..بارك الله فيكم..ولكم بالمثل

وشكرااا

Happy Valentine Life

اذيكم قرائى الاعزاء

كل عام وانتم بخير

ممكن ناس تعترض على انى بهنيكم بعيد الحب

انا بحب اليوم دا جدا...لكذا سبب وأولهم انى بحب اللون الاحمر جدا

وببقى مبسوطه اوى وانا شايفه الناس كلها لابسه احمر

لون جميل رومانسى ..بحس انه رقيق وفيه دفئ وحب وكل حاجه حلوة

انا مش بحتفل بعيد الحب مع حد ......لكن بحب اليوم دا بردو لانى بعبر عن حبى لأهلى و لأصحابى فيه

واكيد الحياة بتبقى واخدانا كل واحد ف شغلنا وف حياته وممكن اكون جوايا مشاعر حلوة كتير لأصحابى ...لكن بعتبر اليوم دا وقفه علشان الناس كلها تعبر عن حبها للى حوليهم من اهل او اصحاب ...اتبسطت اوى لما الاقى ف برامج الراديو..ازواج وزوجات بتتصل وتقول لشريك حياتها كل عام وانت حبيبى

حاجه جميله اوى....لما تلاقى ان الحب بعد الجواز مستمر بين الناس المخلصين وتعرف ان الحب الحقيقى فعلا بعد الجواز مش قبله

فى ناس بتقول ان اليوم دا المفروض المسلمين مش يختفلوا بيه وانه بدعه وووو

بس انا بستفتى قلبى ..ومش شايفه انها حاجه وحشه ...ولو زوجين عبروا عن حبهم لبعض ف اليوم دا او اخوات او اصحاب...يبقى ليه لأ وايه المشكلة

واكيد مش بتكلم عن الى بيحبوا بعض ف الخفاء...بتكلم عن الحب الى ف النور- الحب ف الله ..بين الاهل و الاصحاب و الازواج

ومن هنا بدعوكم تحبوا الحياة ونفكر ف اننا اد ايه بنحب ربنا واد ايه هو اغلى حاجه ف حياتنا

و نفكر شويه اننا ممكن اوى نكون بنحب اهلنا واخواتنا واصحابنا والى حواليا لكن منجيش ف مرة واقول لماما او حد من اخواتى انا بحبك اوى واد ايه انت غالى عندى

كلمه بسيطه بس هتفرق كتير اوى مع الطرف التانى الى هيسمعها

وليه كمان ميكونش يوم للتصالح واسترجاع الحب بين اى اتنين متخاصمين

انا كنت بحب اوى اليوم دا وانا ف الجامعه لما كنت بلاقى الدنيا كلها احمر ف احمر وكنت انا كمان بلبس احمر ...مشاركه وجدانيه

مع الاعتراض على الى كان بيحصل بين شباب وبنات الجامعه

بس كنت بحب احساس الحب نفسه...زى ما تقولوا كدا بحب الحب

ودى فرصة اقول لأهلى - بابا وماما واخواتى وكل قرايبى بحبكم اوى

وربنا يخليكم ليا وميحرمنيش من وجودكم ف حياتى

بحب كل اصحابى واى حد عرفته.. اصحاب وكل الطلبه ف شغلى اى حد اتعامل معايا ولو معامله بسيطه

بحب الناس كلها

احب اقدم برقيه حب لمجموعتين البريد الى كان اخر يوم لهم امبارح وأول امبارح واشكرهم على احتفالهم بيا ف اخر يوم والهدايا الجميله الى جابوهالى بجد حلوين اوى واحلى حاجه ان شنطه الهدايا عجبتنى اوى كانت حمراء ومرسوم عليها وردة حمرا وقلب احمر كبير :-)

متشكرة اوى .. وربنا يسعد ايامكم...ذوقكم جميل ااوى

احب اقدم اهداء خاص جدا لريهام رومى واقولها بحبك اوى...ومفتكرش يا رومى ان حبك ف قلبى هيذيد عن كدا...علشان لازم ف يوم هيبقى فيه غيرك ف قلبى .... انتى كدا اخدتى اكتر من وقتك بصراحه

قاعدة ومتربعه ...جوا قلبى ومطمنه اوى...ممكن توسعى شويه ....عايزين هوا

ههههه

بحبك اوى يا رومى ...ربنا يسعد ايامك ويكتب لك كل خير ويكتب لك كل حب وسعادة ويحقق لك كل ما تتمنى

وربنا يخليكى ليا يا قمرة

على فكرة انا ورومى كنا هنخرج الخميس ونعيش الحب واحنا سوا...وجبت لك قلب احمر ووردة حمرا يا حبى

---

بس ربنا مأردش اننا نتقابل

انا مكنتش عندى شغل الخميس ...بس فى شغل مستعجل بكرة فمضطرة اروح بكرة الشغل ...معلش يا حبى مش هقابلك

معلش

ربنا مأردش...لعل فى ذلك خير...وهلبس بكرة احمر بردو و هروح اشترى لنفسى وردة ولا يهمنى عادى جدا....هههههه

بس انتى ف بالى على طول انتى وكل الناس الى بحبهم

قلبى عمال يتضخم من كتر الناس الى فيه ....هيطرشق....ههههههههه

اوريكم بقى صورة الهدايا الى قدموهالى مجموعتين البريد....مشكورين

واهم جاحه شنطه الهدايا زوقها عجبنى اوى ...واكيد الناس فهمتنى غلط وانا مروحه بالشنطه دى وقالوا ان هديه الفلانتين جاتلى بدرى يوم.....شنطه شبهه بصراحه...هههههه

حتى شوفوا

بحبكم ف الله

اهديلكم اغنيه احبك (لعبد الحليم) أمير الرومانسية

دعاء ختم القرآن

احلى دعاء سمعته ف حياتى

http://www.4shared.com/file/37437732/9b589f0d/___online.html

اللهم أرحمنى بالقرءان واجعله لى إماما ونورا وهدى ورحمة اللهم ذكرنى منه ما نسيت وعلمنى منه ما جهلت وارزقنى تلاوته آناء الليل وأطراف النهار وأجعله لى حجة يارب العالمين * اللهم أصلح لى دينى الذى هو عصمة أمرى وأصلح لى دنياى التى فيها معاشى وأصلح لى آخرتى التى فيها معادى وأجعل الحياة زيادة لى فى كل خير وأجعل الموت راحة لى من كل شر * اللهم أجعل خير عمرى آخره وخير عملى خواتمه وخير أيامى يوم ألقاك فيه * اللهم إنى أسألك عيشة هنية وميتة سوية ومرادا غير مخز ولافاضح * اللهم انى أسألك خير المسألة وخير الدعاء وخير النجاح وخير العلم وخير العمل وخير الثواب وخير الحياة وخير الممات وثبتنى وثقل موازينى وحقق امانى وأرفع درجاتى وتقبل صلاتى وأغفر لى خطيئاتى وأسألك الدرجات العلا من الجنة * اللهم إنى أسألك موجبات رحمتك وعزائم مغفرتك والسلامة من كل إثم والغنيمة من كل بر والفوز بالجنة والنجاة من النار * اللهم أحسن عاقبتنا فى الامور كلها وأجرنا من خزى الدنيا وعذاب الأخرة * اللهم أقسم لنا من خشيتك ما تحول به بيننا وبين معصيتك ومن طاعتك ماتبلغنا بها جنتك ومن اليقين ما تهون به علينا من مصائب الدنيا ومتعنا بأسماعنا وأبصارنا وقوتنا ماأحييتنا وأجعله الوارث منا وأجعل ثأرنا على من ظلمنا وأنصرنا على من عادانا ولا تجعل مصيبتنا فى ديننا ولا تجعل الدنيا أكبر همنا ولا مبلغ علمنا ولا تسلط علينا من لا يرحمنا * اللهم لا تدع لنا ذنبا إلا غفرته ولا هما إلا فرجته ولا دينا إلا قضيته ولا حاجة من حوائج الدنيا والأخرة هى لك رضى إلا قضيتها ياأرحم الراحمين * ربنا آتنا فى الدنيا حسنة وفى الأخرة حسنة وقنا عذاب النار
وصلى الله على نبينا محمد وعلى آله وأصحابه
الأخيار وسلم تسليما كثيراً.

العادات السبع للشخصية الاكثر فاعليه

السلام عليكم

اذيكم انا راجعة من محاضرة تنميه بشريه طازة عن العادات السبعة للشخصية الاكثر فاعلية

المهم المحاضرة كانت تحفة وحابة اللخصها لكم ناو

كتاب العادات السبع دا ل ستيفن كوفى

والى استفدتة من المحاضرة ان الانسان لازم ميحطش نفسة ف اطار تفكير معين ويفكر خارج الصندوق

think out of the box

فكرتنى الجمله دى بكلمه صاحبتى وحبيبتى هبه سمير الغالية...لما كانت بتقولنا ف الكليه لحد امتى هنفضل نمشى جوا الجزمه....ههههه...وحشانى يا بوبة ووحشانى ايام الصبا

المهم احنا اذاى نتغير للأفضل؟؟

احنا اصلا بنرفض التغير لأننا مبنستوعبش الفكرة الجديدة او لأننا غير مؤمنين بيها ولا نعى التغير او لاننا مشغولين او كسلانين او انى مقتنع انى صح علشان كدا مش عايز اتغير ولا قابل فكرة التغير اصلا

طب نتغير اذاى...عارفين فى مثال قاله المحاضر :اننا ممكن نكون عندنا وجهه نظر معينه وممكن تتغير لما نعرف معلومه معينه

مثال:واحد كان ف القطار وراجل جمبه معاة اطفال المهم الاطفال بيلعبوا والراجل قرفان منهم ومن ازعاجهم

المهم قال ف سره.. الراجل دا مش عارف يربى عياله وووو...المهم اخر ما زهق قاله انت مش بتحكم عيالك وسايبهم يضايقوا البشر ليه

فرد الاب عليه وقالوا اصلهم أمهم لسه متوفيه ف المستشفى من ساعه ومش عارف ابلغهم اذاى

الراجل زعل من نفسه انه فكر ف الراجل بطريقه سلبيه وصعب عليه هو والاطفال

---

فى حاجه كمان مهمه اوى وهى بنك العلاقات انا اتكلمت عنه قبل كدا ف البوست الى كان بعنوان السعادة الزوجية واختيار شريك الحياة

الى بنسميه emotional bank

خلاصته ان اى علاقه بين اتنين بيبقى في بنك للعواطف بينهم ...من خلال المواقف الى بتحصل بينهم بنلاقى ان كل انسان ممكن يسحب من الرصيد دا ويقل لو حاجه ضايقة الطرف الاخر حتى لوحاجه تافهه

والرصيد بيزيد لما يعمل اى طرف للأخر حاجه حلوة ترضيه

هدخل ف موضوع العادات..احنا بنكتسب العادة اذاى:؟

معرفه --مهارة---ارادة

يعنى لو عايزة مثلا اقرأ قرأن كل يوم بعد صلاة الفجر لحد الشروق

دى معرفه او حاجه عايزاها

المهارة هل بعرف اقرأ ...والارادة هل عندى الرغبه انى اواظب على دا ولا لأ

والاستمرار ف الفعل دا بيجعل الانسان يتعود على الشىء دا ويصبح عادة

---

العادات السبع هم

العادة الاولى:كن فعال

العادة الثانية:فكر ف الغاية

العادة الثالثه:ابدأ بالاهم فالمهم

اول ثلات عادات بيحققوا الانتصار الشخصى وبالتالى الاعتماد على النفس

العادة الرابعة :المنفعه للجميع

العادة الخامسة :افهم نفسك حتى يُسهل فهمك

العادة السادسة:المشاركه والتكاتف

والثلاثه دول بيحققوا التعاون مع الاخرين

اخر عادة واهم عادة هى الاهتمام بالنفس

---

لو اى حد عايز توضيح على اى عادة من دول انا ممكن استفيض فيها بس منعا للأطاله قلت نقاط فقط

---

اتكلم كمان ف جزء الفرق بين الشخصية الفعاله والاشخصية الانفعالية...وقال مثال عجبنى بيقول ايه؟؟

الشخصية الفعالة دى شخصيه مسؤلة عن حياتها تتقبل مسؤلية افعالها ولا تلقى باللوم على الاخرين وشخصيه مرنة

الشخصية الانفعاليه: تسمح للعوامل الخارجية من مشاعر ومزاج وظروف ان تتحكم ف تصرفاتة

مثال ال10% وال 90% بمعنى ان فى ف الظروف وردود افعالنا عشة ف الميه ملناش دخل بيها وتعتبر ظروف بتحصل غصب عننا شئنا ام لم نشأ

والتسعين ف الميه التانيين دول بيكونوا بناء على ردود افعالنا لل ال10% الى حصلت

مثال على كدا كان في زوج وزوجته وبنتهم بيفطروا ... وكل واحد رايح مصالحه بعد الفطار والبنت رايحه المدرسه

المهم البنت غصب عنها وقعت الشاى على باباها

الراجل اتنرفز وقعد يزعق للبنت وقعدت تعيط لأن مش قصدها

ويزعق ف مراته وقام يلعن اليوم من اوله

المهم راح غير هدومه وقعد يصالح ف النت الى زعلها والاتوبيس بتاع المدرسه مشى ...وكمان قعد يصالح مراته انه انفعل من الموقف وهو كان متأخر ووو

المهم راح وصل البنت المدرسه لان اتوبيسها مشى...المهم ف الاخر وصل شغله متأخر ساعه

وكل دا ليه ..؟؟علشان خلى الظروف والعوامل الخارجيه تأثر على حالته وعالمه الداخلى..بمعنى اصح ال10 ف الميه الوحشين بوظوا ال90 ف الميه الباقيين

----

قال كمان ان فى ف حياتنا فى ناس حامله عدوى التأثير

بمعنى اننا لو فكرنا ف الاشخاص من حولنا هنلاقى فى منهم الى بيأثر علينا بالايجاب وفى الى بيأثر بالسلب

المهم ان الشخصيه الفعاله هى التى لاتترك مساؤئ الاخرين تتحكم ف قراراتهم

---بالنسبة لجزئيه الاهتمام بالاهم فالمهم

الشخصيه الناجحة الى عايزة تبقى افضل مماهى عليه ..دى الشخصيه الى بتحاول انها تعمل اشياء هامه وغير عاجله...مثل قراءة كتاب ما عن مشروع ما هتعمله ف المستقبل والتقليل من الاشياء الغير هامه والغير عاجلة

--

اما عن الاهتمام بالنفس

فالمنتج دائما يحتاج للأهتمام بالمصدر

كيف تهتم بنفسك؟؟

لازم توزع اهتمامك على:

الاهتمام البدنى من رياضه وتاخد بالك من اكلك

الاهتمام ااذهنى من قراءة واطلاع

اهتمام روحى من خلا ل الصلاة والتقرب ال الله

اهتمام اجتماعى من خلال بنك العلاقات الى اتكلمت عنه قبل كدا

---

ف النهاية

احب اشكر المحاضر الى حاضر المحاضرة دى أ-معتز الشوربجى

استودعكم الله الذى لا تضيع ودائعه

---

اول مرة اكتب بوست فورمال كدا. مفهوش كلمة عنى.بس يمكن لانى تعبانه ومش عايزة اتطرق لأى كلام عنى والا هبدع

واكيد فى ناس هتضايق وتزعل وانا ميرضينيش