.jpg)
السلام عليكم ورحمة الله وبركاتة
دى اول حاجة بكتبها
وكنت عايزة اخد رايكم ف كلمة الحب
واية معناها بالنسبة لكم
عايزة اعرف انت كولد ممكن تقول بحبك كام مرة ف حياتك ولمين
والبنت هل ممكن تقول الكلمة دى ولا لأ
انا اتربيت اعرف ان البنت يتقالها بحبك لكن هى متقولهاش حتى لجوزها
دى اول حاجة بكتبها
وكنت عايزة اخد رايكم ف كلمة الحب
واية معناها بالنسبة لكم
عايزة اعرف انت كولد ممكن تقول بحبك كام مرة ف حياتك ولمين
والبنت هل ممكن تقول الكلمة دى ولا لأ
انا اتربيت اعرف ان البنت يتقالها بحبك لكن هى متقولهاش حتى لجوزها
مش عمال على بطال يعنى..او بمعنى اصح تقول لجوذها يا حبيبى ..تدلعه..تندهه بأسم بيحبه
لكن مش تقوله بحبك كدا صريحة...لان الكلمه دى ممكن تتقال بأشكال كتير وبتكون اقوى بكتير من الكلمه نفسها
ممكن بأبتسامه او نظرة او اهتمام بيكون دا اقوى من تأثير الكلمه نفسها
------
السؤال بقى :هل من السهل ان ولد مشفش بنت يقولها بحبك؟
انا مش مقتنعه بالكلام دا...لان الكلمه دى متتقالش بالساهل لازم اتنين يكون في ما بينهم عشرة وايام ومواقف ...وحياة
السؤال بقى :هل من السهل ان ولد مشفش بنت يقولها بحبك؟
انا مش مقتنعه بالكلام دا...لان الكلمه دى متتقالش بالساهل لازم اتنين يكون في ما بينهم عشرة وايام ومواقف ...وحياة
مش كلمه كدا طلقه ف الهوا ..
لكن الى مقتنعة بية ان الكلمة دى غالية اوى ومش من السهل ان الناس تلعب بيها بالشكل دا.. و الولد يقولها لفلانة انهاردة وبكرة لعلانة
بصراحة ومن غير ما حد يزعل منى الكلمة دى انا شايفة انها علشان تتقال لازم يكون قبلها ميثاق غليظ
ممكن تقولوا عليا متخلفة بس دة رأي ونفسى اعرف رأى الشباب والبنات
لكن الى مقتنعة بية ان الكلمة دى غالية اوى ومش من السهل ان الناس تلعب بيها بالشكل دا.. و الولد يقولها لفلانة انهاردة وبكرة لعلانة
بصراحة ومن غير ما حد يزعل منى الكلمة دى انا شايفة انها علشان تتقال لازم يكون قبلها ميثاق غليظ
ممكن تقولوا عليا متخلفة بس دة رأي ونفسى اعرف رأى الشباب والبنات
---
احب اضيف ان مش معنى كلامى دا ان الناس ميبقاش فى عندهم اى مشاعر لحد ما يتجوزوا.!!...اكيد ف فترة الخطوبه بيبقى في مشاعر حلوة واهتمام ...وانا قلت كدا ف الاول لما قلت ان الحاجات دى بتبقى اقوى من الكلمة نفسها
-----
لكن المقصود ف السؤال دا.. الهرج والمرج الى حاصل بين الجنسين ف الجامعات او ع النت ...مش قصدى خالص على الأرتباط الى ف النور وبمعرفة الاهل....كان فى مقوله بتقول: ان الى بيتولد ف الظلمه يموت لو شاف النور...وميعرفش يعيش ف النور
---------
ربنا يهدي ويسعد كل الشباب والبنات ويرزق كل انسان بالى يستاهله
الطيبون للطيبات والخبيثون للخبيثات
---
6 comments:
السلام عليكم ورحمة اللهوبركاته
الموضوع مش موضوع كلمة تتقال او مش تتقال
الموضوع مشاعر تتحس
بس برضو بحدود
يعني الواحد يراعي حدود ربنا في البنات
مش هاقول علشان لو ليه اخت او الكلام دا
لا
علشان يحافظ علي البنت نفسها
مش عيب لما الواحدة تقول لجوزها بحبك
ولا عيب لما يدخل عليها ببوكيه ورد
علشان يبقي فيه حب
لازم يكون فيه عشرة اتولد منها الحب دا
وانا قصدي علي الحب النضيف اللي ما يغضبش ربنا
مش شوية اصحاب في شلة في الجامعه
وكل واحد مسك ايد واحدة وقالها بحبك
حتي الحب فيه درجات
فيه الاعجاب
وفيه الحب
وفيه الولع
وفيه الوله
وفيه التيه
وفي التهيم
ودرجات تختلف علي حسب القوة
بس فعلا
الكلمة بقيت لبانة في افواه كتير
وبتتقال مش عن مشاعر بجد
---
بوست قوي للافتاحية يا هبة
Go on
السلام عليكم ورحمة الله وبركاته
انا في رأيي يا هبة ان الكلمة دي مش عيب بس انا شايفة ان الواحد لازم يعرف امتي يقولها وانا عمري ماتخيلت اني ممكن اقولها لاي انسان الا اذا كانت دبلته في ايدي.لكن بصراحة اللي بيحصل اليومين دوول بين الشباب في الجامعات لوث معني الكلمة الطاهرة دي بقت عاملة في افواههم زي اللبانة.لكن بجد الكلمة دي عظيمة جدا ومن غير ها احنا مش هانعرف نعيش وانا مش قصدي علي نوع معين مالحب انا قصدي كل انواع الحب.ومش عيب ان المرأة تقول لزوجها بحبك بس هي بقي لازم تبقي ناصحة يعني مش كل شوية تقول الكلمة دي لان دي كلمة غالية اوي وهو لازم يحس بقيمتها. في بقي موضوع تاني يا هبة نفسي انك تطرحيه لانه بجد محيرني جداجواز الصالونات هل هو صح والا غلط؟؟؟ بصي انا انا نفسي اتجوز بالطريقة دي لاني حاسة ان هي دي الطريقة اللي هاتحافظ عليا بس في نفس الوقت خايفة جدا ومرعوبة ازاي واحد يجي يشوفني مثلا لاول مرة واقعد معاه مرة او مرتين ومطلوب مني اقول اه او لا.!!!! ده انسان هاعيش معاه العمر كله . ومستنية ردك
السلام عليكم و رحمة الله و بركاته
شوفي يا بنها البلوج بتاعك انا شايفاه جميل و من القلب و دي اجمل حاجه فيه.... كل المقالات اللي عن مشاعرك اشخصيه اكتر من رائعه دي طبعا مش هاتكلم عنها ... انما اجمل مقاله حركت فيه حاجه كانت عن الراجل اللي عنده ستين سنه و ربنا ما ارادش انه يهتدي اليه .... هو انا مش فاكره عنوانها لكن انا فكراها كويس قوي .... عجبتني كمان فكرة تلخيص المحاضرات اللي حضرتيها ... و لكن مقالاتك عن رمضان كانت طويله زياده عن اللزوم و كان فيها حاجات مكرره زياده حبتين و ده طبع خلاني شخصيا ما اكملهاش و اكيد مش دي الحاجه اللي انت كنت عايزاها من القراء.... حاولي تطبقي اللي درسناه لان ده هايفيدك جدا
و ربنا يوفقك
من عنيا يا حبى
انا هدخل اختصر مقاله رمضان.واخليها قصيرة بالمفيد فقط.ربنا يخليكى ليا يا بوبه
بس انا عايزة توضيح اكتر على جمله انى اطبق الى درسته وهل تقصدى دراسه العلاقات العامه والاعلان يعنى ولا الكمبيوتر ولا التنمية البشريه ولا ايه.؟؟؟.او ايه المعنى الى تقصديه بالظبط!!!
لو عايزة تستفيضى ممكن على الميل بقى يا حبى
noossa kee lagaaal !
:)
tiipo : muuito massa !!!
massa neah ?
صحيح الحـــب هو كل شئ في الدنيا
بس لازم يكون من الطرفين....ويكون صادق وكل كلمة بتتقال لازم تتحس الاول
عشان يبقى حب متكامل....مش أي كلام وخلاص زي مابنسمع دلوقتي كلمة بحبك بقت لبانة في فم كل الناس من غير أي احساس
يااااااااااااارب احمينا من الحـب والاحاسيس المزيفة
Post a Comment