يارب ومفيش بإيدى غير الدعاء
و حسبى الله ونعم الوكيل
----
يا من تغيث المستغيث ..ان لم تغيثنا... فمن يغيث
يارب محتاجه لك اوى ...محتاجه عطفك وحبك وحنيتك
مترددة اكتب ولا لأ ف البلوج
قلت يمكن لما اكتب ااخفف عن نفسى شويه
او احسس نفسى انى بكلم حد .. بستغيث.. بفضفض
---
انا مش بشتكى لحد ولا حاجة
يمكن الكتابة تدينى شحنه و تقوينى وتخلينى اقوى
احسن حد ممكن اشكى له حالى... هو ربى
الى خلقنى والى محدش هيسمعنى ويصبر عليا ويستحملنى غيرة
مفيش انسان يقدر يستوعب حد ويحتضنه ويفهمه... أد ربنا ..خالقنا وخالق الكون
---
لو حد عرف الى مضايقنى..ممكن يقول عليها حاجة عبيطه
وانى بدى اعتبار لحاجات تافهه واخدها على اعصابى وأديها اكبر من حجمها
وقد تكون كبيرة بالنسبالى وقد تكون هينه بالنسبه لحد تانى
---
محدش بيداوى حد...
ربنا الى بيداوى الناس ...
وفعلا محدش هيحس بالجرح أد المجروح ..مهما وصفت لبشر حجم الجرح ومدى عمقه وتأثيرة
---
الاحساس بالظلم صعب اوى... والى يوجع اكتر انك تحس بأن فى حد اتظلم وانت واقف مكتوف الايدى وعاجز ومش عارف حتى انك تبدى اعتراضك وتصرخ وتقول للظالم لأ-كفايا
عجبت لمن يخاف من عبادك وهو يعلم انك الجبار
وعجبت لمن يُخيف عبادك و هويعلم انك الجبار...المنتقم
لأمتى هنفضل نتطاطى ونكبر دماغنا ونشترى راحة البال ونكتم ف روحنا ونصرخ ف قلوبنا وصوتنا ميخرجش برانا
امتى يقدر المظلوم يصرخ بعلو صوته ويحس بيه غيرة ويقف معاة ويسانده...يحس بيه غيرة مش بكاء وضيق ونواح ...امتى هنبقى ايد واحدة ..ضد الظلم امتى هنتعلم اذاى ندافع عن غيرنا ..وخصوصا الضعيف مننا
قبل ما ندافع عن نفسنا
---
سورى انى بعد فترة انقطاع جيت وغمتكم
بس كنت محتاجه اكتب وادينى كتبت
--
يارب اصلح لنا شأننا كلة ولا تكلنا الى انفسنا طرفة عين
اللهم اهدى امة محمد( صلى الله عليه وسلم) الى ما تحب وترضى
"رب اغفر لي ولوالدي ولمن دخل بيتي مؤمنا وللمؤمنين والمؤمنات ولا تزد الظالمين إلا تبارا"
5 comments:
طبعا انا يشرفنى انى اكون اول كومنت
وشكرا على الكومنت الظريف اللى انتى كتبتهولى
وانا بجد والله عاجبنى طريقه كتابتك
يعنى فيها احاديث وكلام جميل
فعلا
وانتى عندك حق ان الظلم من اصعب الاحاسيس اللى الواحد ممكن يعشها
فى حياته
لكن حلو اوى اوى البيت اللى فى اول
المزضوع
اصرخ قول للظالم لأ وسمعنى ..لما نموت علشان الحق وايه يعنى
حقيقى جاااااااامد
وفى النهايه انا سعت بزيارة مدونتك
وربنا يوفقك"
شكرا يا ساحر على تعليقك
و بجد مدونتك كلها احاسيس حلوة اوى مش من الشهل ان الانسان يحسها ف الزمن الى احنا عايشيين فيه ف ظل حاجات كتير وحشه ...بتخلينا منحسش بحاجات حلوة حتى لو عايشينها فعلا
----
رغم انى لما بقرأ شىء ف مدونتك جميل
الا انتى بحس انها فيها خيال .ودنيا الخيال ف حالات كتير بتكون افضل من الواقع
--
على فكرة يا ساحر عنوان البوست دا ...جمله من اغنيه مش بيت شعر
---
ويارب تكون كويس ف كليتك وناجح يا ساحر
وعايزين نقرألك كل شعر جميل وراقى
سلام عليكم......ياااااااااه يا هبة انتي حاولتي بكلماتك توصفي احساس الظلم بس اسالي اللي مجربه ده احساس يا هبة مرير انك تحسي انك مظلومة وليكي حق بس مهضوم وكل ده ليه؟عشان ناس مابتراعيش ربنا بس تعرفي يا هبة ان الاسوأ من انك تحسي بالظلم هو انك تشوفي حد مظلوم قدامك وتبقي فعلا نفسك تصرخي وتقولي كفاااااااية حرااااام بس بتبقي النتيجة حاجة من اتنين يا اما ان صوتك ده مش هايفيد بحاجة يا اما انك مش ليكي حق تتكلمي اساسا وفي كلتا الحالتين هايتكون جواكي بركان من الغضب للظلم اللي شوفتيه قدامه ومع مرور الايام هاتحاولي تنسي وهكذا دواليك دواليك...الدنيا بقت كده يا هبة معظم الناس تقول انا ومن بعدي الطوفان احنا يا هبة وصلنا لمرحلة دلوقتي ان لو حد شاف حد بيموت قدامه هايخاف يعمل له اسعافات اولية احسن يفتكروا ان هو اللي اذاه ودي حصلت قدامي فعلا ....انا وانتي مافيش في ايدينا غير الدعاء ان ربنا يصلح حالنا ونرجع تاني المصريين اللي بيقفوا جنب بعض وقت الظلم والشدة....وعايزة اقولك حاجة بخصوص انك تشتكي لربنا ده اكيد طبعا مافيش حد احن علينا من ربنا اللي خلقنا بس كلمة انسان جاية من الائتناس احنا بشر يا هبة ولازم نحكي لبعض ونشكي عشان نهون علي بعض وخاصة لما تحكي لحد بتحبيه اوي ويسمعك حتي لو مش عنده حل لمشكلتك مجرد انك تحكي وتخرجي اللي جواكي ده هايساعدك كتير تتخطي اي اذمة ..........بوبا انا بحبك اوي
صديقتى واختى العزيزة هبة
مناجاتك مؤلمة اوى لانها طالعة من قلبك
ووصلت لقلوبنا مباشرة
والكلام ده كلنا حاسينة ونحتاج لصرخات وصرخات وانتى اجدتى التعبير عنا
ولكن صديقتى لا تحزنى
فللظلم نهاية
و
وكلما زاد الظلام
ٌاقتربت لحظة الفجر
التى تشرق فيها الشمس
وكم من جبار هلك وفنى واصبح عبرة
ولما تضيق بيكى الدنيا
اذهبى الى المتحف المصرى
وشاهدى مومياء فرعون
الذى تجبر وتكبر فى الارض
واعملى ان هذة هى نهاية كل فرعون
بوست جميل جدا
تسلم ايديكى
تحياتى
لا يا رومى مينفعش نعمل زى كل الناس ونقول انا ومن بعدى الطوفان
على الاقل اوى ناخد بأيد الى اتظلم ونشدوا معانا بعيد عن الطزفان على اد ما نقدر
لو العالم كلة والناس كلها سلبيين ومحدش بيعمل الصح احنا لازم نكون صح ومنكونش معاهم معاهم وعليهم عليهم
الرسول بيقول فيما معناة لاتكن امعة اذا احسن الناس احسنت وان اساءوا اسأت
انا معاكى ف انى لازم احكى وافضفض
وف الغالب بفضفض لك انتى لانك عارفه معزتك عندى..انا بعتبر الدونه دى مكان هايل جدا للفضفضة
وعلى رأى كومنت قريته ..ان المدونه عبارة عن غرفه مغلقه لا يراك ولا يسمعك فيها احد غير الله ...فقل ما يريح قلبك ..بلا خوف
وشكرا يا رومى على الكومنت وعلى متابعتك للمدونة
--------
شكرا خالو احمد الصباغ
فعلا لكل شىء نهايه ودوام الحال من المحال
وللظلم اخر وربنا حرم على نفسه الظلم
وذى ما قلت كلما ذاد الظلم كلما اقتربت لحظة الفجر
Post a Comment