السلام عليكم
كل عام وانتم بخير وعيد اضحى سعيد عليكم
ممكن انسان يبقى ف بيته وربنا يقدر له انه يمر بواقف معينه قد تكون غريبه
لكن الاغرب انك تحس انك كنت ف حلم عشته بكل كيانك وكنت مفتح وحاسس كل شىء فيه
ومقتنع انه واقع ..وتعيشه بكل تفاصيله
وتكتشف انك لما جيت تحط رجلك على السلم فلتت ف وقعت واتخبطت واتعورت..... بس فوقت وعرفت انك كنت بتحلم وان الى عشته كان ف خيالك انت وبس
ممكن تفوق على حقيقه مرة
وممكن تعرف انك غلطت ..بس المهم تقدر تصلح الغلط وتراجع نفسك قبل فوات الاوان
انا بحب الاحلام اوى...ومنها بقدر اعيش واحب واحس الى مقدرش احسو ف ارض الواقع...بس انا للأسف مبحلمش غير كل فين وفين
بفرح اوى لما الاقى حد يعرفنى ويقولى انه حلم بيا...ببقى سعيدة اوى بغض النظر عن الحلم كان ايه....لانه حلم ...خيال..مش واقع
--
انا مقتنعه ان مفيش شىء يخلى الانسان يندم على حاجه عملها حتى لو غلط ...مدام عرف الصح فين وبدأ يتغير
كل شىء الانسان بيمر بيه ف حياته ..بيستقطع من وقته لازم يعتز بيه
حتى لو جرح
11 comments:
لو اتعلم فعلاً يبقى عندك حق
متشكرة يا بشمهندس
حاجه غريبه كل ما اركب ف مواصلات الاقى اغنيه طمنى عليك لمحمد فؤاد لحد ما حفظتها
كل السواقين مستقصدينى ف الاغنيه دى وحالفين يكئبونى
لدرجه انى قررت اكتب كلمتها ف البلوج
واليكم الكلمات:
من يوم بعدك وانا قلبى مكسور وحزين
محتار مش عارف الدنيا وخدانى لفين
صعبان على قلبى فراقك ..طب هعمل ايه
جوايا حنين علشانك اذاى اداريه
طمنى عليك ...قول فين الاقيك
مشتاق لعنيك وبموت من شوقى ليك
واذاى هتعيش لو مش وياك
مش قادر انساااك
ايامى بقت منغيرك مليها الويل
بتعذب كل ما يجى عليا الليل
وبروح على صورتك اخدها ف حضنى وأنام...اهى حاجه وبتصبرنى على الايام
دايما روحك حواليا وف كل مكان بتهون ياما عليا سنين حرمان
ربنا يبعد عنكم كل حزن ويسعد ايامكم
يارب اميييين
بس ميزة الاحلام دايما انها تخصنا بس
مش بتخص ناس تانيين معانا
يعني لما نصحى منها
محدش هيزعل اننا صحينا و سبناه
و هيفضل هو محبوس في الحلم
مش عارف يطلع ازاي
انا كمان بافرح لما حد بيحلم بيا
بس مش عشان ده خيال :)
عشان هو بيفكر فيا و مشغول بيا
يعني انا بالنسبة له أعني حاجة مش ولا حاجة
تعرفي
في مرة حصل معايا حاجة زي كده
المشكلة اني مبقدرش انسى بسهولة
و عنيد
مش بايأس بسهولة برده :)
الله المستعان
كل سنة و انتي طيبة يا هبة و عيد سعيد و موفق
ربنا يسعدك و يهنيكي و يوفقك في شغلك ان شاء الله
مش قصدى بالحلم الى بتعيشه ف المنام..اقصد بالحلم الى بتعيشه ف الواقع بخيالك وتعيشه فعلا وتفرح بيه وتصحى على حقيقه ..متقدرش تستوعبها او تواجهها
كأنك كنت بنحلم وتتمنى حاجه من اتنين يا اما الحلم يكمل بشكل يرضيك
او انك تتمنى انك مكنتش عشت التجربة اصلا
وف الغالب الشعب المصرى بيحب الهروب وبيختار الحل الاسهل وانه ينسى ومياخدش ف بالة وكأن شيئ لم يكن
-
احدى صديقاتى بعتت لى اغنيه اليسا الى فيها جمله
-
على سهوة ليه الدنيا بعد ما عشمتنا وعيشتنا شويه.... رجعت موتتنا.....والدنيا من يوميها يا قلبى عودتنا لما تدى حاجات اوام تاخد حاجات
-----
معلش كلامى كئيب ومش مناسب لظروف العيد وكدا ...بس الحمد لله
وعيد سعيد على كل المسلمين ف جميع انحاء العالم
اولا كل سنه وانتى طيبه
وموضوعك جميل بجد
وفعلا ليس كل مايتمناه المرء يدركه
وماتخرميناش من الكتابات الجميله دى
وفى النهايه سلامى وربنا يوفقك
ليس كل ما يتمناه المرء يدركه يا بوبا
تاتي الرياح بملا تشتهي السفن
دا عادي
الاحلام بتيجي وتروح كتير
وبنفوق منها علي صدمات
وواقع اليم
بس المشكلة اننا بنحلم
في وقت مش مفروض نحلم فيه
ممكن تلاقي نفسك اتخدعتي
بس مش شرط تكوني اتخدعتي
ممكن كمان اللي بعد عندك يكون هوا كمان مشتاقلك بس مش قادر او مش قادرة توصلك
او مش ينفع انه يوصلك او توصلك
واذا كان حب ومش قادرة تنسيه
في اغنيه تانية بتقولك
اعتبره قلب وراح
اعتبر قصر جراح
واتهد علي اللي بانيه
----------------
علي الرغم من انها اغنية الي حد ما شعبيه
بس معناها واقعي
و صدقيني
الصدمة اللي ما تموتكيش تقويكي
اهتمي بشغلك
اهمتي بعلمك
اهتمي بتحقيق ذاتك
لان ذاتك هيا الاقوي
لانك المفروض تبقي اقوي
مش حد تاني
----
كل سنة وانتي طيبة يا بوبا
والعيد الجاي ان شاء الله نكون فرحانين بيكي
واعذريني علي عدم كتابة اسم في المشاركة
شكرا ع الكومنت يا استاذ مجهول
بس عندى تحفظات على كلام كتير
وتعليقى هوك كالاتى: ان الانسان ممكن يحلم بأى شىء وف اى وقت ..الحلم ملوش ميعاد ولا قيود..لأنه حلم. لكن بيبقى له وقت لما يتحط ف الفعل بس
وساعه ما يتحط ف الفعل لازم نحاسب نفسنا بنظلم حد ولا لأ لانه ممكن يكون حلم مش مخطط له او احنا مش اده ومش اد مسؤلية تحقيقه وساعتها ممكن نظلم ناس تانيه معانا
و الطموح كمان ملوش سور ولا زمان معين
وانا مقتنعه بأن الى بيحلم بشىء هو مؤمن بيه ومقتنع انه يقدر يوصل له هيوصل بإذن الله
بس لما يكون هو بنفسه الى عاوز الشىء دا ومصر عليه
----
صحيح فكرتنى بحلم ..مش هقول عليه طبعا بس عايزة اقولك ان الحلم دا حلمته من يجى 6 سنين..ومن يومها وانا عايشع على انى احققه ومش هيأس الا لما احققه
ويوم ما هيتحقق اكيد هبلغ الدائرة الالكترونيه
----
يمكن تقصد انك ممكن تعيش الحلم الى اتمنيته لكن ربنا مأردش انه يكمل بنهايه سعيدة و بشكل يرضيك او ان حصلت عقبات منعت استكماله فبتكون دى صدمه..لكن مش خدعة وبعدين احنا ربنا بيحاسبنا على العمل والنيه مش على النتيجه ...لانها بتاعه ربنا ملناش دخل فيها
مش هقولك ان دا نصيبك ان حلمك مكملش وفوقت على واقع اليم وصدمة..لآنى اتعلمت من الحياة انى لما اقول اهه دا نصيبى واحط ايدى على خدى ابقى كدا داخله ف بدايه اليأس وداخله له من طريق يكاد يكون سليم وهو الرضا...وانى ساعتها هكون قصرت ف العمل و ف تحقيق الهدف
..وزى ما قال عمرو خالد: ان مفيش انسان بيحط ف دماغه هدف ويصر عليه ويتوكل على ربنا الا لازم يحققه
----
كلمه اتخدعتى بحس انها كبيرة اوى ...مش للدرجه دى :-)
----
كلمه (مش قادر او مش قادرة او مش ينفع) ...كلمات لا محل لها من الاعراب
واحزن حين اسمعها من اى انسان ...محبش ابدا اشوف انسان يقول الكلام دا اياً كان
بحس بأستسلام وضعف.... احساس فعلامؤلم
----
اغنيه اعتبرة قلب وراح دى انا عارفاها بس مبحبهاش لانى بحس ان فيها استهتار بمشاعر كتير وان قلب الانسان دا قطعه من حديد او طوبة مثلا
ويقدر يحب مرة واتنين وعشرة ولا كأن حاجه حصلت
واذا كان فى ناس ممكن تعمل كدا وتعصر على قلبها ليمون وتدوس بكل قوتها وتنسى ...ممكن ..لكن
.انا معتقدش انى اقدر لانى بعتز بكل شىء ومقدرش انسى اى تجربه اواى شىء مريت بيه ف حياتى لانها جزء من وقتى وعمرى لو موتها ابقى بموت نفسى
ممكن اتناسى الحاجةالوحشة علشان اقدر اعيش ومكرهش حد.. لكن انسى التجربه كامله استحاله ...و كل شىء فيه الحلو والوحش
والشىء جميل بفضل دايما فاكراه
---
احسن حاجه قلتها
الصدمة اللي ما تموتكيش تقويكي
وهو دا المهم ان الانسان ميضايقش ابدا من تجاربه وانه عايش علشان يتعلم
والمهم ان المؤمن لايقع ف جحر مرتين ولازم يتعلم من اخطائه
---
عجبتنى اوى اهتمى بعلمك اوى...لانها احدى خططى الى بخطط لها الايام الجايه وهى انى اكون اكثر علما وثقافة
؟؟بس ايه المفروض تبقى اقوى مش حد تانى
يعنى ايه؟؟؟؟؟
---
عموما مفيش احسن من الحمد لله
ولعل فى ذلك خير
وما اخذ الله منك الا ليعطيك
----
رغم انى مش عارفه مين الى كاتب ومكنتش هرد لكن انا قلت بردو اقدر الانسان الى تعب نفسه ورد عليا.
عموما شكرا على الكومنت
واسفه على الاطاله
المقصود بانك تكوني اقوي مش حد تاني
هي انك تكوني اقوي من اي شئ تاني ممكن ياثر عليكي
ليس الا
-----------
انا متفق معاكي في نقاط ومختلف في نقاط اخري
يعني انا مش بعترف بالاحلام
او بمعني ادق مبقتش اعترف بيها
لانك ممكن تعشمي نفسك بحاجات كتير
وفي الاخر مش تعرفي توصلي لحاجة خالص منها
انا بعترف بالتخطيط للاهداف
و اتباع طريقة منتظمة الايقاع للوصول اللهدف المطلوب
--------------
شكرا ليكي علي الرد والاهتمام
الحلم مش عيب ولا حرام ..وضرورى نحلم على ادنا وف حدود امكانياتنا
بس بردو انا مصرة ان الانسان الى بيعيش ف الحلم ويعمل المستحيل علشان يحقق حلمه بيوصل
احمد زويل لو مكنش حلم انه يبقى عالم عمرة ما كان هيبقى
هلين كلير الصماء البكماء العمياء لو مكانتش حلمت مكنتش هتوصل وتبقى حاجه رغم ان الى يبص لأمانياتها يقول دا مفيش خالص
لكن هى كانت عايزة تكون حاجه ونفسها تحقق شىء وعاشت من اجله
---
احمد حلمى حلم انه يتجوز منى زكى وقد كان..رغم انه مكنش اصلا ساعتها ف الوسط الفنى وكان شايف ان دا حلم بعيد المنال ..بس حلم وحاول يحقق حلمه ووصل
----
بلاش تغير من نفسك ومتحلمش بحياتك ومستقبلك وترسمه بأيدك لمجرد انك حلمت بشىء ومتحققش
احلم تانى وتالت ورابع وعاشر وهتوصل ان شاء الله لو عندك العزيمه والدافع الى يوصلك لهدفك
لا تيأس لمجرد انك فشلت مرة...الطريق للنجاح مفروش بالكثير من المحاولات الفاشله
ويوم ما هتحلم بشىء وتحققه هتفرح بيه بطريقه لا توصف وبكرة تفتكر كلامى دا
وذى ما انت قلت ان الاهم التخطيط واتباع طريقه منظمه ودا هيساعدك فعلا
الهدف منغير تخطيط ومدة زمنيه بيكون غير قابل للقياس
--
ربنا يوفقك ويكتب لك كل خير وتحلم من جديد بحياة افضل وتخطط لها ذى ما قلت
وذى ما قلت ف التعليق الى فات ان النتايج بتاعه ربنا ..المهم احنا نعمل الى علينا ومنقصرش ف حق نفسنا وف حق غيرنا
---
وشكرا
سلام عليكم.....ازيك يا بوبا اولا انا باعتذر ان ردودي علي البوستات بتيجي متاخرة اوي بس انتي عارفة ظروف الكلية يا بوبا والله غصب عني .
بصي يا بوبا انا عاجبني البوست بتاعك ده جدا لان اتكلمتي عن موضوع بجد هو الشغل الشاغل في حياتي وبجد بجد اسعد لحظة في حياة الانسان انه يوصل لحلم بعيد بعد ما يكون حس ان فعلا الحلم ده صعب يعني مثلا عايزة احكيلك لما كنت في تانية ثانوي في درس الكيميا كانت بتاخد معايا بنت بس هي كانت في سنة 3 وكانت جايبة 98 في المية في سنة تانية كنت بابصلها ان هي حاجة كبيرة اوي واني عمري ما هاوصل للمجموع ده بس عارفة كنت باحلم كتير كتير وذاكرت الحمد لله بس عمري في حياتي ماتخيلت اني ممكن اوصل للمجموع ده وفوجئت يوم النتيجة اني جبت 98.5 في المية ماتتخيليش بقي فرحتي بجد بجد انا من اليوم ده بقالي اهو 5 سنين مافرحتش زي الفرحة دي اجمل شيء في الدنيا انك تحلمي وتعملي اللي عليكي وتقولي يارب وربنا كريم اوي اوي
احلمي يا بوبا براحتك واطلقي لخيالك العنان تعرفي انا بقالي 4 سنين باحاول احقق حلم ومش عايز يجي معايا اينعم كتير كنت باتعب واحس ان خلاص مافيش امل بس طول ما ربنا موجود وانا باحاول والمدونة الجميلة بتاعتك دي موجودة ان شاء الله هاتتحقق
تعرفي انا دلوقتي كنت مخنوقة اوي وحاسة ان مافيش اي هدف وكنت هايأس بس الكلام الجميل اللي انتي كتباه(طريق النجا مفروش بمحاولات فاشلة)
كلامك بيقويني كتير ادعيلي يا هبة
معلش انا طولت عليكي بس اخيرا باقولك احلمي واضحكي واتبسطي ماحدش واخد منها حاجة واللي يروح منك طول ما فيكي نفس تقدري تعوضيه
متشكرة يا رومى
ربنا يوفقك يا حبى ..
---
اضحك واحلم واتبسط حاضر
فعلا محدش واخد منها حاجه ودنيا زايله لكن رغم كدا الانسان طماع دايما عايز كل حاجه على اكمل وجه وف احسن صورها وعدم الرضا دا الى بيخلى الانسان دايما مش سعيد رغم انه لو شاف غيرة هيعرف انه من اسعد البشر
بس فعلامش كل شىء بيروح نقدر نعوضه بشىء زيه بالضبط
صحيح ممكن يكون التعويض افضل من الخسارة ويكون حصاد الصبر اجمل ما فيه
بس ممكن الانسان بيعمى نفسه وميحسش بالحاجه الحلوة لانه عايش ف الماضى وبيحاول دايما يلاقى تعويض مماثل لما فقد
واكيد مش بيلاقى وبالتالى بيقى خسر مرتين
مرة لما فقد حاجه بيحبها ومرة لما مرديش بالتعويض الربانى نتيجه حبه اخلاصه الشديد لما فقد او اُفقد
لازم الانسان يكون ايمانه سليم فيه الرضى بالقضاء والقدر ومصحوب بالرضا بما هو ات ومسلم لله ومسلم لقضاء الله الماضى والأت
----
وذى ما قلتى كل شى يتعوض
الا الصحه
الحمد لله يا دكتورة ريهام
اتخرجى بقى خلينا نعرف اننا راكنين على حيطه متينه بقى
وربنا يوفقك ويسعد ايامك يارب
انت وكل الناس الى بتحبنى وتتمنى لى الخير
Post a Comment