اذيكم.. حمد الله على سلامتكم من العيد
اتمنى تكونوا كويسين واللحمه مأثرتش عليكم بالسلب
لحسن انا شفت ف شغلى بعد العيد نمازج خارجه من العيد متنحين تتنيحه ما يعلم بيها الا ربنا ...ربنا يلطف بينا
اول اول امبارح رابع يوم العيد كان فرح ياسمين رومانيا عشرة اربع سنين ف كليه الاعلام قسم العاهات العامه والاعلان..ياسمين كانت اذاعه وتلفزيون
احنا مسمينها رومانيا لاننا اول ما عرفناها كانت لسه راجعه من رومانيا مع باباها علشان هى كانت مع باباها هناك ف شغله لانه دبلوماسى
المهم الفرح كان تحفه الا حاجه واحدة وربنا يسامحك بقى يا ياسمين على الشو الروسى الى اصرت حماتك انها تجيبه
كان عار الحقيقة...هههههه
ما علينا ....المهم متكرريهاش ف فرح اختك....يعنى راقصات مصر خلصوا لما تجيبى لنا راقصات من روسيا ...ويارتهم بيعرفوا يتنيلوا...دا حاجه تقطع القلب والهدوم كمان
انا الحمد لله مكنتش مركزة على الشو لكن كنت مركزة اكتر انى اتابع ردود فعل الحضور جميعا
لاقيت فى ناس اتدورت الناحية التانيه وادتهم ظهرهم
وغالبية الشباب طبعا كانوا متنحين
وحاسين انهم بيتفرجوا على روتانا دايركت وبدون حواجز
لا حول ولا قوة الا بالله
اللهم اهدى شباب المسلمين
تم افساد فئه كبيرة من سكان مدينه نصر
مكنش العشم يا جاسى
عارفه لو فرح اختك هيكون كدا توقعى انى مش جايه من دلوقتى...انا بقولك اهه...علشان تبقى عارفه...:-)
----
كنت عايزة اطرح عليكم سؤال بفكر فيه بقالى كتير اوى
وهو كالأتى....:من هم اكثر الشخصيات الأكثر تأثيرا عليكم ف حياتكم سواء تأثير ايجابى او سلبى..؟
شخصيه قريبه او شخصيه عامة؟؟؟
؟او مواقف اثرت عليكم ف حياتكم بردو؟
انا هقولكم على رأيي بس انا مستنيه اقرأ ردودكم اولا
وشكرا
9 comments:
انا مش هعلق على البوست كله , لكن هقول رد مبدأي على اخر جزء
طبعاً بعد الرسول عليه الصلاة و السلام
فهيكون والديَ و عمرو خالد
ابراهيم الفقي ومنهم في دربه ,
مصطفي محسن و شويه من صحابي المقربين
مش فاكر حد تاني ناو
:P
Salaaaaaam
والدى ، والدتى ، اخويا ، اختى ، مراتى ابنى ، صاحب المصنع ، عصفور المدينة
على فكره انا كاتب والديَ و فوقيها شده , أقصد اني أقول والدى و الدتى
2akeed ya3ni :D , anyway , Salamo 3aliokm
اول مرة ازور البلوج بتاعك
وان شاء الله مش هتبقى اخر مرة
لانه بجد بلوج لذيذ اوى وكلامك جميل حسيت انك حد قريب منى يمكن زى جارتى او صاحبتى
اما بالنسبة للسؤال
فهو مش حد معين بس اى حد ناجح باحاول اكون زيه
بصي يا ستي ... ما ينفعش اقول ان فلان اثر في حياتي بشكل قاطع و لكن كل واحد بيسيب بصمته الخاصه على تجربة الحياه ... لكن في ناس بيبقى تاثيرهم اقوى و اطول (اعز الناس) و ده معناه ان شلتنا في الجامعه و كلية الاعلام و قسم العلاقات العامه غيرتني و قلبت كياني (للافضل زي ما اتصور) و بعد الشله علاء (و ده تأثيره ممتد ان شاء الله)... وفي ناس اثروا في حياتي بشكل عميق و لكن باعمالهم السيئه مش الحسنه و دول مالهمش حصر
بس يا ستي
بوبه
شكرا لكل الى علق على البوست دا واولهم احمد الانسان الجديد اخويا واتمنى انى اكون من المؤثرين فى حياتك بالايجاب
وبشكر ا-محمد عبد الغفار وبشكر دراما كويين واتمنى اننا نكون اصحاب والبلوج بتاعك هايل جدا وبيقول كلام كتير بيكون جوايا سعات بس بحس ان انتى اجد بأنك تعبرى عنه ..انا بتابع مدونتك وياريت تنزلى بوست جديد
--
واخيرا وليس اخرا بشكر بوبه سمير الى فعلا من اعز الأشخاص لقلبى والى فعلا اثرت عليا ف حاجات كتير ف حياتى وخصوصا من ساعه ما عرفتها من سنه اولى جامعه
ربنا يخليكى ليا يا بوبه ويكرمك انت وعلاء ويكتب لك كل خير ويتمم لكم بخير يارب اميييييييييين
والناس الى اثروا سلبيا ف حياتك حاولى تحولى الشىء السلبى دا لشىء ايجابى واقل حاجه انك تستفيدى من التجارب دى وتوظفيها صح ف حياتك بعد كدا
بحبك للأبد يا (حياة روحى)احلى كلمه عرفتها ف حياتى
اعتقد إن أكثر الشخصيات التي أثرت في بالإيجاب هو أبي وبالسلب لا يوجد
يمكن لما بتحصل حاجة سخيفة أو حاجة تضايقني بأستفيد منها بأني أتفادى غلط عملته أو أخد بالي من حاجة معينة بدون ما يفضل أثر سلبي جوايا
تحياتي
بصي ياستي في كل فتره بيبقى فيه حد معين بيأثر عليكي بشكل او بأخر يعني مثلا قبل ما ادخل المدرسه كنت متأثره بجدي الله يرحمه يمكن صورته ملتصقه في مخي على الرغم اني كنت لسه صغيره جدا هو حليم وطيب على اسمه عبد الحليم
وفي فترة الابتدائيه كانت في مدرسه الله يمسيها بالخير اثرت عليا جامد جدا
وعمرو خالد اثر كتير في حياتي
وبعدين في اصحاب كتير بحبهم وشيفاهم ان الواحد ممكن يقتدي بيهم في حاجات كتير حتى الوحشين بتتجنبهم وبتتعلم منهم خبرات التعامل
واخيرا وليس اخرا امي وابويا وجوزي ربنا يخليهم ليا يا رب
شكرا لتعلقاتكم جميعا
انا عن نفسى كل انسان بتعامل معاة بيأثر فيا بالايجاب او بالسلب
بس اكتر الشخصيات فعلا
الى اثرت فيا فعلا هما اهلى والدى والدتى واخواتى انسان جديد واحمد وحسام ومصطفى
ومن اصحابى رومى ريهام وايناس بنت الاسلام ومى طب والطلبه كلهم
وانسانه اتعلمت منها كتير ..اسمها مدام رضا...ومن الشخصيات العامه
عمرو خالد
عبد الوهاب مطاوع
ابراهيم الفقى
..
Post a Comment