باركوا لى....لولولييييييييييييييييييييي

السلام عليكم

اذيكم يا كتاكيت
وحشتونى اوى
اسفه انى بعدت فترة ...ومكنتش لا بكتب ولا بتابع مدونات الناس
كان ضغط شغل وكمان مكنش عندى حاجه اقولها وكنت ف حاله اضطراب شديدة
كنت عايزة انفصل شويه عن كل حاجه ...علشان اقدر اخد قرارات معينة ف حياتى
بس مقدرش ابعد عنكم اكتر من كدا
انا الحمد لله اول الاسبوع دا خلصت كورس متدربين البريد والضرائب
وجابوا لى هدايا حلوة اوى فى منهم متوليين مسؤلية تجهيزى.....من كاسات ولوازم المطبخ..بارك الله فيكم
والمجموعه التانيه متوليه مسؤليه تثقيفى دينيا..وجابوا لى مجموعه مجلدات السلسلة الذهبية للشيخ محمود المصرى
علشان عرفوا ان انا بحب اسمع للشيخ محمود المصرى
بجد اد ايه فرحت بالهدايا
هى اكيد تفرح اى بنى ادم ..بس الاحلى من الهديه هو احساس التقدير الى ف عيون المجموعه الى بتحاول تقدر وتتوج تعبك بشئ ملموس.

بجد متشنكرة
والله لو وردة بتبقى عندى كبيرة اوى.....لان بيبقى معنى الهديه احلى من قيمتها
بجد مش عارفه اشكرهم اذاى....ربنا يسعدكم ويكتب لكم كلكم كل خير يارب...هو انا هشحت ولا ايه؟؟؟ههههه
جزاكم الله كل الخير وربنا يجازيكم خير الدنيا والاخرة
--
صحيح باركوا لى ..قولوا لى الف مبروك

انا جبت موبايل جديد
نوعه 3110 نوكيا
وجبت له ميورى 2 جيجا
انا كنت راجعه من الشغل ف يوم وكنت مروحة وبعدين دخلت المحل اتفرج وبصراحه عجبنى ان فيه امكانيات حلوة عن موبايلى 6070 والفرق ف نقطتين هو ان الجديد فيه بلوتوث وانفرا وتقدر تشترى له كارت ميمورى اضافى
لكن القديم مشكلته ان مكنش فيه بلوتوث وكمان مساحته كانت فسافيسو...2 ميجا محدش يقول لحد...هههههه
والاتنين فيهم راديو
--
وانا اهم حاجه ف تليفونى انه يقول الو سلام عليكم... ويستقبل عليكم السلام
تانى حاجه الراديو علشان بحب اسمع اذاعه القرأن وعبد الباسط....والبرنامج العام
ومرتين ف الاسبوع دوا الكحه...هههه... اقصد برنامج عم الكتكوت انا والنجوم وهواك على الاف ام
وطبعا الكاميرا علشان انا مجنونة صور واوديو ولازم مساحته تكون كبيرة علشان يستحمل
وكمان لزوم الارسال والاستقبال ضرورة وجود البلوتوث والانفرا
المهم ان الى جبته في كل الكلام دا الحمد لله ...ربنا يبارك لى فية ... صحيح وكمان سعرة حلو علشان لو حصل له حاجه متأهرش عليه

---
و لولولولولولولييييييييييي

----

الحمد لله

---

حققت حلمى ف الموبايل ...عقبال ما احقق كل احلامى

-----
المهم بقى :حلمى التالى هو انا بجد نفسى اطلع على اسكندريه واستجم وابقى مع ربنا وقت الغروب امام البحر ...يااااة دا اهم حلم ف بالى حاليا...يا ترى هيتحقق يوم ايه

الله اعلم
بس اكيد لما يحصل هقولكم
اد ايه البحر واحشنى ....ووحشانى امواجه وهواه ونسيمه...يااااااااااااااااة هفطس انا كدا... مش ينفع الكلام دا
نقفل بقى على الموضوع دا ناو

----
ونقول لطلبه الجامعات والثانويه العاميه...كان الله ف العون.....بكرة تخلصوا الامتحانات ونلاقيكم على شواطئ البحر مرصوصين....المهم نتجدعن والله الموفق
ربنا يبارك ف شباب وبنات المسلمين
ويكتب لهم كل خير
اد ايه مهمه الاجازة واد ايه مهم ان الانسان ياخد رست ويخرج عن رتم الشغل والحياة الروتينيه الى فيها كل الايام شبه بعض
ربنا يسعد ايامكم ويكتب لكم كل خير يارب اميين
يالا اسيبكم بقى خدوا باكم من نفسكم ولا اله الا الله ...سيدنا محمد رسول الله