اللهم بلغنا رمضان وبلغنا ليلة القدر

اللهم بارك لنا في شعبان وبلغنا رمضان

وحشتونى اوى اوى بجد

كل عام وانتم بخير وصحه وسلامه ربنا يبلغنا رمضان

رمضان شهر الجود والصدقات والعبادات والخيرات....مش الفوازير والمسلسلات....كل دا هيتكرر تانى بعد رمضان مليون مرة متستعجلوش على المسلسلات...وتلهيكوا عن افضل الشهور شهر رمضان الى بيجى كل سنه مرة ومين عالم هنعيش للسنه الجايه ولا لأ....لكن المسلسلات هتتكرر لحد ما نحفظها بس ارجوكوا بلاش ف رمضان..وبالله عليكم الى بيسمع او بيتفرج على اغانى ومبسوط بيها اوى

وبيحب هيفاء ولا سفيهاء يتقى الله ف نفسه وربنا هيرزقه بالى احلى منها ف الجنه بإذن الله

من ترك شيئا لله عوضه الله خيرا منه....الحور العين ف الجنه

قال الرسول (ص)إن هذا الشهر قد حضركم .وفيه ليله خير من الف شهر من حٌرمها فقد حرم الخير كله ولا يحرم خيرها الا محروم

احنا لازم نرحب ونكرم شهر رمضان زى ما ربنا كرمه...طب وهو ربنا كرمه بأيه:ربنا كرمه (بالصيام-نزول فيه القراّن-وجود ليله القدرفيه-السٌنة فيه بثواب فريضة- والفريضة فيه بسبعين فريضة- اوله رحمة واوسطه مغفرة واخرة عتق من النار-شهر الغزوات والفتوحات

يقول تعالى:كل عمل ابن ادم له.. الا الصيام فأنه لى وانا اجزى به

الصيام والقراّن يشفعان للعبد يوم القيامة

فى ايه ف سورة البقرة :يأيها الذين امنوا كتب عليكم الصيام كما كتب على اللذين من قبلكم لعلكم تتقون

التقوى معناها ان ربنا يجدك حيث امرك ولا يجدك حيث نهاك

طبعا مش محتاجه تفسير

فى حديث خطير لازم نفهمه ...يقول النبى صلى الله عليه وسلم:إن ف الجنه باباً يسمى الريان.ينادى يوم القيامه اين الصائمون ...اذا دخلوا لم يدخل احد بعدهم

خدوا بالكم ان فى الجنه باب يعنى الباب دا ف الجنه جواها يعنى ...طيب ماهو كل الى ف الجنه كانوا صايمين

لكن في الحديث ان مش الكل هيدخل من الباب دا وان فى ناس هتبقى ف الجنه بس مش هتدخل من باب الريان طب الاول هوإسمه الريان لانه بيرتوى فيه الصائمون مش من العطش بس لا بيرتوا بكل انواع اللذات

طب ليه بقى فى ناس هتدخل من الباب دا وناس لأ!!!! ؟

الفرق ان فى3 انواع للصيام

اولا: صيام البطن والفرج

ثانيا:صيام الجوارح:يعنى عينى صايمه واذنى صايمه ولسانى صايم وكلي صايم

دول ناس بطنهم صايمه لحد وقت الفطار لكن جوارحهم صايمه طول الشهرومش بتفطر مع المدفع ؟!؟!؟ولسانهم صايم عن اى اذى شتم لأى حد ولو حد غلط فيهم بيقول انى صائم ..انى صائم

ودول الى مقصودين ف الايه: لعلكم تتقون...دول الناس الى بتتقى ربنا ف كل شىء

ثالثا :صيام القلب..الانسان يروح شغلة وطبيعى جدا، لكن ربنا معاه ف كل لحظه وقلبه مفهوش غير خالق الكون

تعرف تكون انت وقف لله طول الشهر
. التقوى محلها القلب... .ربنا يعينا يارب ونبقى ممن يصومون صيام القلب والجوارح
على فكرة يا جماعه فى حديث خطير كمان عن الصيام...يقول (ص) لله عتقاء من النار فى رمضان وذلك كل ليله
مش ف ليله القدر بس يا جماعه ياترى هنعتق ف يوم كام في رمضان...الرجل الكريم لو اعتق عبدة مبيأثروش تانى ...فمابالكم بالعزيز الرؤوف الرحيم.. لو اعتقنا استحاله يؤثرنا تانى
فى حكمه بردوا لفت نظرى قالها الشيخ وجدى غنيم وهو بيقول ان الاكل حلال وربنا اُمرنا نصوم عنه ف رمضان والزوجه حلال بردو وكذلك اُمرالزوج يصوم عنها ف رمضان... فى حكمه من ورا كدا وهى اننا لما نصوم عن الحلال شهر ف السنه>> فمن باب اولى اننا نصوم عن الحرام طول السنه

لا وكمان بنتعود على الذهاب للمسجد وعلى عمل الخير وذكر الله طول اليوم وقراءة القران كل دا بنتعود عليه ف شهر كامل علشان منبطلوش طول السنه
ومن يعش عن ذكر الرحمن نقيد له شيطان فهو له قرينالشاطين بتتسلسل وتصفد ف رمضان !!!امال الناس الى بتعصى ربنا ف رمضان دول
ايه؟!؟!؟!؟...الشاطين فعلا بتتسلسل لكن الى بيعصى بيبقى من نفسه مش من شيطانه
اغوذ بالله من الناس الى نفسهم اسؤا من شيطانهم
.. قال( ص )من صام رمضان ايمانا واحتسابا غفر له ما تقدم من ذنبه-من قام رمضان ايمانا واحتسابا غفر له ما تقدم من ذنبه-من قام ليله القدر ايمانا واحتسابا غفر له ما تقدم من ذنبه

ربنا يبلغنا ليله القدر فهى خير من الف شهر.. يعنى 84 سنه ...اكتر من عمر البنى ادم ...لا واى حاجه تعملها ف اليوم دا من صدقه او قيام او اى خير بيتحسب لك اكنك بتعملها المدة دى...تفتكروا فى حد يعرف الثواب دا كله ويضيع على نفسه الرحمة
دا احنا حقتنا نموت نفسنا ف العبادات ف اخر 10 ايام ف رمضان علشان نتفقد الليله دى
ف الاخر عايزة اقولكم ان الى هدفه يعتق او ان ربنا يغفر له السنه دى ويبلغه ليله القدر دا انسان عندة هدف... والهدف بدون خطه للتنفيذ ملوش لازمه صح ولا ايه؟
طب يالا نحط الخطه سوا والى عايز يضيف حاجه يقولى وانا معاكمهى 5 حاجات هنعملها كل يوم بأذن الله وبعون الله
اولا :انا والقرأن
ناوي تختم كام ختمة...(رمضان شهر القرأن)الحرف ب10 وف رمضان نضرب ف 70
الجزء تقريبا 7000حرف *10=70000*70=4مليون و900000حسنة
وكل دا ف ساعة واحدة بنقرأ فيها الجزء
يالا نعمل لنفسنا ورد يومى ..>>..احزروا هجر القرأن
ثانيا :انا والصلاة
يالا اقبلوا ...ها ...خمس صلوات بالسنن بتاعتهم- صف اول- جماعه اولى -ف المسجد دا طبعا الرجاله
طب والستات :الصلاة ف اول الوقت وجماعه ف البيت لو امكن ومنسيش السنن المؤكدة
الصلاة اول ما يحاسب عليها العبد يوم القيامة بين يدى الله
قال (ص)بشر المشائين الى المساجد ف الظلم بالنور التام يوم القيامه
ثالثا :انا والدعاء
عايزين نحضر كام دعوة من دلوقتى قبل ما يبدأ رمضان ونشتغل عليهم طول الشهر ونلح ف الدعاء
متنسوش تدعوا لى وتدعوا لفلسطين ولكل المسلمين المظلومين ف كل مكان
ربنا ينصر الاسلام والمسلمين ويحرر المسجد الاقصى
متنسونيش بالله عليكم ف دعواتكم الله يكرمكم ...واتوصوا
ثلاثه لا ترد دعوتهم منهم الصائم حين يفطر وفى روايه اخرى الصائم حتى يفطر
رابعأ انا والصدقة
عايزين نخصص مبلغ من دلوقتى ونقسمه مبلغ معبن كل يوم دا لصدقه يومية
الرسول صلى الله عليه وسلم كان جوادا واجود ما يكون فى رمضان >>كان كالريح المرسلة...حاول على قد ما تقدر تفطرصائم ولو واحد كل يوم ..وبتاخد مثل ثوابه دون ان ينقص منه شىء تخيل يبقى رمضان ثلاثين يوم وانت واخد ثواب صيام 60 يوم او، ممكن تفطر الصايم على تمرة ..الناس ف المواصلات وف الجامع بعد صلاة المغرب
خامسا :ًانا وصله الارحام
ان الرحمه لاتتنزل على قوم قاطع رحم
لايدخل الجنه قاطع رحم
ياريت كل يوم يا عساسيل نصل ارحامنا بداية بطاعه الوالدين ونتعود ف رمضان نبقى ناس مطيعه لوالدينا.على الاقل اوى نسأل على اى حد من الاهل كل يوم ف التليفون
انا خلصت يارب اكون افدتكم ومش طولت عليكم
المهم ننفذ و نقيم نفسنا كل يوم عملنا ايه ونسينا ايه ،..علشان على ما نوصل لليلة القدر نكون مستحقين ثوابها العظيم
اللهم بلغنا ليله القدر يارب
وف النهايه انا بشكر الناس الافاضل الى جبت منهم الكلام دا ونقلته عنهم وهما الاستاذ الفاضل وقدوتى ا/ عمرو خالد والشيخ الفاضل وجدى غنيم و الشيخ الفاضل محمد حسان
ياريت الى مزعل حد يصالحه قبل رمضان
انا بعتذر لأى انسان على وجه الارض غلطت ف حقة عن قصد او دون قصد
وبطلب من كل الناس تسامحنى
وانا اشهد الله انى سامحت كل الناس ف اللحظه دى ومش شايله اى حاجه وحشه لأى حد
ربنا يسعد الناس كلها ويكتب لهم كلهم الخير يارب وربنا يعتقنا من النار ويبلغنا الغفران وينير وجوهنا بالقرأن...ربنا يجمعنا تحت ظله يوم لا ظل الا ظله

بحبكم ف الله

وسلام مؤقت