السلام عليكم
وحشتونى اوى اوى
انا عندى ليكم اخبار كتير حلوة اوى
اولا رومى حبيبتى اتخطبت وخطيبها سافر
م
معلش يا رومى اصبرى واحتسبى
معلش يا رومى اصبرى واحتسبىبجد يا جماعه رومى تستاهل كل خير وبجد تستاهل احسن انسان ف الحياة دى بجد
ويارب يكون خطيبها بجد يستاهلها
ربنا يكرمك يا رومى ويسعد ايامك يارب دنيا واخرة
-------
ثانيا سارة صاحبتى ف درشس القرآن كتب كتابها بكرة ان شاء الله وزوجها مسافر بردو
مش عارفه ايه حكايه السفر دا بقت موضه باين
ربنا يصبرهم يارب
وربنا يصبر كل متغرب عن بلدة واهله واصحابه واحبابه
وف الاول وف الاخر ربنا مبيعملش اى حاجه وحشه لينا ابدا
عجبا لأمر المؤمن كل امره خير
---------------
ثالثا انا بقيت اروبه ف عمل البسبوسه
رابعا انى اتعقدت من حاجه اسمها المكرونه بالبشمل
ومش هتدخل بيتنا تانى
لو فى محل بيعملها دليفرى بالطريقه الى بيحبها زوجى هجيبها انشاله من مصروفى
لا هجيب مصاصه ولا شيبسى وهجيب الفنكوش
اقصد البشمل
---------
اخيرا وليس اخرا
ابشركم بحنكلولو صغير يا عتريس يا عتريسه
مش عارفه لسه
ان شاء الله هيشرف مدونتكم هذة ضيف جديد سيشرف على المدونه
يارب يقومنى بالسلامه يارب
لو بنت هسميها تقى من التقوى او جنة او مبروكه ههههههههههه
لو ولد بإذن الله ابراهيم
خليل الله
ابو الانبياء
بس اكتر ما يستهوينى هو اسم تقى
انا دورت كتير ع النت ومش استقريت على اسم
الى عندة اسم يقترح ويبعبر عن اراءة
وجزاكم الله كل الخير
---------
ادعوا لى بالصحه والذريه الصالحه
يارب ارزقنى بطفل سليم مشافى معافى حسن الخلقه والاخلاق
ربى اجعلنى مقيم الصلاة ومن زريتى ربنا وتقبل دعاااااء
------
اراكم قريبا
والسلام عليكم ورحمه الله وبركاته
4 comments:
Habhoba :)
How are you ya gameela, 3amla eh :) ?!
Congrats for your friends & for your great news :). Rabbena yebareklek feeh(a) we terabbeh(a) 3la ta3et Rabbena inshaAllah :)
من هبه سمير لبنهاء
البشاميل
3 ملاعق سمن كبار + 2 معلقه دقيق
اقدي السمن و حطي الدقيق لحد ما لونه يبقي اصفر و كوني مسخنه 3 كوبايات شوربه ( او لبن و دوبي فيه مكعبين مرقة دجاج ) .. اطفي على الدقيق و حطي السائل و قلبي بالمضرب السلك اليدوي بسرعه بسرعه هاتلاقي بشاميل زي العسل
على فكره ممكن تطي جبن رومي هليبقى حلو اوي و ما تحطيش ملح لان الرومي هاتظبط الدنيا
انا ابتكرت ابتكا و هو اني جبت 3 كوبايات شوربه و حطيت ليهم بمكيال اللبن النيدو 9 معالق لبن بودره و مكعبين مرقدجا و غليتهم و بعدين حطيتهم على الدقيق طلعت تهوس
و شكرا
الله على الاخبار الجميلة
الف مبروك لصحباتك وربنا يتمم لهم على خير ويجمعهم بأزواجهم
اما انتى يا قمر عايزة اقولك مبروك كبيييييييييييييييييرة اوى
ربنايرزقك بالخلف الصالح المعافى ويارب يكون او تكون احى حد فى الدنيا
الف مبروك يا حبى
والاسماء ماشاء الله حلوة اوى
تقى جميل جدا
وابراهيم باحبه اوى
سلام عليكم يا بوباااااااا
حبيبة قلبي وحشتيني اوووي
انا اسفة لان الرد جاي متاخر جدا
انتي عارفة اني كنت بامتحن سنة 5 الجملي دي اللي مكنتش عايزة تخلص ..
الحمدلله عدت علي خير
الله يبارك فيكي وعقبال ماتفرحي ب ابراهيم يااااااااارب
ربنا يكرمك فيه وتشوفيه ابن صالح ان شاء الله
وحشتنيني ووحشني كلامك اوي
دمتي سالمة
Post a Comment