اسفه على التأخير

السلام عليكم وحشتوووووووووووونى اوى اوى بجد
ووحشتنى الكتابه ف مدونتى بقالى فترة كل ما تيجى ف بالى فكرة او موضوع اقول هدخل واكتب وعماله اجمع ف الافكار علشان احطها ف بوست واحد
بقالكم فترة مش قريتوا لى كلام تقريبا من ساعه ما الطماطم كانت بخمسين قرش او بجنية طبعا فات الزمن ودلوقتى وصلت بعد العيد 8 وب 10
والله بجد حرااااااااااااااااااااااااااام
يعنى مرتبات الناس هى هياها الى بياخد 300 والى بياخد 500 وفاتح بيهم بيت
لأ والطماطم تزيد ومرتبات الناس زى ما هى
والله حراااااااااااااام
بس دا ليه يا ناس هو احنا داخلين على مجاعه ولا ايه
احنا مبقناش نزرع وتركيزنا كله على ابنى بيتك وابنى عمارتك
والله يا اولاد ربنا يصلح لنا الحال
----
وال ايه الشباب عازف عن الزواج ما طبعا لازم يعزف ويغنى كمان
والله يا ناس الى يعرف يتجوز دلوقتى يبقى بطل والايام دى الى يجيلها عريس تربطه ف رجل الكرسى ومتخرجوش من البيت انشاله يتجوزوا ف بيت ابوها والله الحاله بقت كرب انا مش بيأس البنات والله كله بأوانه والى مكتوب على الجبين لازم تشوفه العين واحنا كدا كدا عايششين متستعجلوش شئ قبل اوانه اهم حاجه تكون حاجه كويسة
----
عايزة اقولكم ان هيما ابنى مطلع عينى بجد سن السنه دا متعب بيفتح ف كل حاجه ويفتح الدرج ويحط ايدة ويقفل وحاجه تشيب ربنا يحمية ويديله الصحة والعافيه وطولة لاعمر يارب ويكتب له كل خير يارب ويجعله من السعداء وربنا يجبر بخاطرة دنيا واخرة ويخلية ليا ولباباة
---------
مش هطول عليكم انهاردة علشان دا اول بوست بعد فترة انقطاع بس والله انا مبسوطه اوى انى بكتب لكم ناو وبجد وحشتونى