الستر و الصحة وراحة البال

السلام عليكم احبائى

يارب تكونوا بخير

قولوا معايا

لا اله الا الله

لا حول ولا قوة الا بالله

يارب حياتكم تبقى هنا وسعد وحب وتعيشوا احلى حياة

انهاردة عايزة اكلمكم ف موضوع مهم

هو موضوع الناس بتتخض منة او بمعنى اصح بيترعبوا منه

هو صحيح مخيف ومرعب واحاجة بيتهز لها عرش الرحمان

هى فعلا الى جه ف بالكم هو (الطلاق)

ف الزمن الى احنا فية البنت بتاخد اى عريس وتقول عريس يا بوى ومش مهم تكون بتحبة ومش مهم كمان تكون مرتحاله وممكن تتغاضى عن كل العبر الى ممكن تكون فية في سبيل انها ممكن تقبل انها يطلق عليها مطلقة بدلا من عانس

--

الى كانت بتحب المرح وحب الحياة وحب الناس وتنام بالليل مش شايلة ضغينة لحد

ممكن تصبح تلاقى نفسها مع راجل مش حاسس بيها ولا بأدميتها وكأنها خدامة تعمل له اكلة وشربة ولامرة تسمع كلمة حلوة ولاخروجة ترضيها ولا حتى نظرة حب... وتتحول البراءة لفتاة ممكن تبات بدل ما كانت تنام صافية البال وهادية الحال .. تنام وكلها كره لحياتها وللبنى ادم الغريب الاطوار الى متجوزاة

وتبقى بتدعى على الى مغيرة والى محخليه متوجس خيفة كل ما يخش بيته

ساعتها الطلاق جائز ام ممنوع شرعا

(الستر والصحة وراحة البال)

الى عندة التلاته يبقى من الاثرياء

بس يا جماعة الدنيا ابتلاء والحياة لازم تكون تعب علشان تبقى فية اخرة حلوة وحياة سعيدة

الى قلتة ف الاول دا حاجة بسيطة تقرلايبا ف معظم البيوت المصرية في ظل انشغال الزوج بجلب المال ف ظل الغلاء المتزايد كل يوم

ومش هو الى اقصد بية انة مبرر لأبغض الحلال

الناس كلها متساويه ف الدنيا في الى عنده شوية زيادة ف الصحة وفى الى عندة اكتر ف الستر والحب وفي الى متميز بنعمة راحه البال

ربنا يمتعكم كلكم بالثلاثة

--

الى اقصدة بردو لسه موصلش

انا طول عمرى بكرة كلمة الطلاق دى وفعلا كلمة تخض وتحسسك بعدم الامان

بس لما حكت لى احدى صديقاتى عن تجربتها مع الحياة واد ايه كانت حياتها صعبة وقاسية

هتعترفعوا ان حياتها لوحدها بدون هذا الغريب افضل لها بمئات المرات من بقائها بزمتة

صحصح انا سمعت من طرف واحد بس لو على فرض ان نصف الكلام صح والنصف الاخر افتراء فهو شخص سىء والبعد عنة غنيمة

الخلاصة انا مش هطول عليكم هو اسواء حاجه من ضمن الحاجات الكتير الوحشة هى صفة البخل مع الاستغلال

ياريتها بخل وبس!!!

فعلا البخيل المفروض ميتجوزش ..لانه فعلا اَفه ومرض خطير

ومش بيئذى نفسة دا بيئذى كل الى حوالية

تخيلوا لما راجل يقفل محبس المياة ويخلية ينزل سرسوب صغير يشل الى بيغسل وجهه او بيتوضأ وياسلام لو ست البيت بتغسل يا مساء السنة الى بعد الى بعديها على ما تخلص .

ويقفل انبوبة البتوجاز علشان النار متتطلعش قوية والانبوبة تفضى ... ايام انابيب البوتجاز ....

الكلام دا من قبل 16 سنة ايام

وياريت البخل مادى بس

للأسف البخيل بيبقى بخيل ف كل حاجه مش بس الفلوس لا كمان ف المشاعر

يعنى لا بيصرف ولا بيجيب وهو معاة ...لا وكمان لا في كلمة حلوة ولا نظرة تسر...

ووووو

ربنا يعوضها خير ويفيض عليها بنعمة ويكرمها ف عيالها هى عندها3 عيال

بس والله انا شوفتهم وزرتها ف بيتها

اد ايه حياتها مستقرة واولادها ناجحين بفضل الله ثم حرصها على مستقبلهم وبعدها عن اب غير مسؤل لا يعير اهتماما الا بنفسة فقط والدنيا كلها تولع من بعدة المهم ينجو بنفسة

بخل واستغلال وقلة ادب ولا مبالاة وضلال وعدم احترام وووووووووو

بعد كل دا يبقى الطلاق افضل من حياة الذل والاستعباد

انا محكتلكوش كل حاجة لان الموضوع موجع وانا حتى مش بحاول افتكر كلامها لانى فعلا بتضايق لها جدا على كل الى شافته سواء ف حياتها مع ابوها القاسية والى خلتها توافق على اى جوازة والسلام وترمى نفسها ف التهلكة وف شباك زوج لا يراعى الله في اى شىء

ولا كمان ماشافتة من ابتلاءات في الابناء ولا من المرض

بجد شافت كتير هذة السيدة

اسأل الله لها الجنة على قوة تحملها وصبرها على كل هذا الكم الهائل من الابتلاءات

ربنا يرزقها الجنة ويكرمها في عيالها الثلاثة ويشفى لها ابنها الاوسط

بجد انا في حياتى مشوفتش حياة حد كدا بكل هذة المأسى

رغم اعتراضى على مفهوم الطلاق وصدى الصاعقة التى تلتصق باللفظ ذاتة

الا انى التمست لها العذر فى طلب هذا المطلب وانه اسلم الحلول وطوق النجاة والسبيل الى راحة البال من كل هذا الذل

الكلام دا كنت ممكن اقراة في بريد الجمعة لعبد الوهاب مطاوع رحمة الله

لكن انى اسمعة بودانى من حد دا كان موقف صعب عليا جدا

ربنا ميحكمش على حد ابدا وربنا يسعد ايامكم يارب ومتشوفوش حاجه وحشة ابدا