السلام عليكم
اذيكم يا رب تكونوا بخير
انهاردة انا سعيدة ليه مش عارفه
او عارفه وبستهبل
مش هتفرق كتير علشان انا مش هقولكم
المهم انى فرحانه ولازم انتوا كمان تكونوا فرحانين لى
معلش انى مدخلتش اهنيكم بعيد الام وبالمولد النبوى
كل عام وانتم بخير وصحه وسلامة وكل ماماتتكم بخير
بس يمكن كان فى الى شاغلنى علشان كدا قلت اشوف الاهم فالمهم
المدونه دى اد ايه غاليه عندى واد ايه عاشت معايا ف فرحى وف حزنى وواستنى وقت خنقتى وفرحت و الناس فرحت معايا وقت سعادتى
انا بحب مدونتى اوى وبحب كل المدونات الى اعرفها وكل الناس وبحبكم كلكم
---
على فكرة بقى
انا اصلا مكنتش هكتب الكلام دا
ولا حتى كنت هوصف لكم حالتى دلوقتى ولا شعورى ايه
بس انا بقالى فترة خايفه افرح
بس انا دلوقتى بقول لنفسى لأ كدا كفايا عيشى وافرحى
اللحظه الى بتروح مبترجعش تانى
وممكن السعادة تكون قدامنا ومش شايفينها لاننا مغمضين
لازم نفتح بقى علشان نعرف نعيش
مدمنا كدا كدا عايشين ...نعيش احسن حاجه ونحاول نكون راضيين وساعتها هنكون اسعد الخلق
--
تعرفوا
إحساس الام وانها عايشه لأولادها
والاحلى إحساس الابن وهو عارف ان فى حد عايش بيحبه
وعايز يسعدة وبيفرح لفرحه ويسعد بسعدةويتمنى يحقق له كل ما يتمنى
احساس فوق الوصف...وهو دا احساسى دلوقتى
----
كتير اوى ممنا ممكن يقابلوا ناس كتير ف حياتهم ويقولوا لهم اد ايه هما غاليين عندهم واد ايه وجودهم هام ف حياتنا
لكن مش كتير لما نحس ونعرف ان الكلام دا من القلب فعلا
ممكن نكون بنحس بحب امهاتنا او الى حوالينا حتى منغير ما يتكلموا
الاحساس بيوصل
ودا قمه الحب انك توصل للى قدامك احساسك من غير اى كلمة
ممكن بنظرة او اهتمام او... مش عارفه
بقولكوا ايه؟ ايه الى انا بقوله دا
انا مش فاهمه حاجه اصلا
انا مين
كل الى عايزة اقوله انى سعيدة مش عارفه ليه...بس سعيدة
ونفسى اشوف الناس كلها بتتضحك وسعدا
وربنا يجعلنى سعيدة كدا على طول وافرح بجد ومن قلبى
قولوا ورايا ... يارب امييييين
وقولوا كمان يارب اسعد ايامها واكتب لها كل خير يا رب هى وكل الى حواليها
---
تعرفوا ما فى احلى من الرضا
---
انتوا مين انا مين احنا فين
ايه دا انا بقول ايه
ما علينا
ربنا يستر
---
انتوا اصلا فاهمين حاجه؟؟
المهم ربنا يسعدكم اجمعين ويكتب لكم كل خير ويسعد ايامكم
بحبكم ف الله
وبقولكم تانى كل عام وانتم بخير
ومتنسوش تدعوا لى
وكمان اوصيكم ونفسى بصيام بكرة وبعدة السبت والاحد يوم 14-15 الايام القمريه
وأفتكرونى ف دعائكم عند الفطار
والسلام عليكم ورحمه الله وبركاتة
17 comments:
ana sa3eeda en enty sa3eeda ya Habhoob :D, ana dayman batabe3 ur blog 7atta lw mesh ba-comment y3ny :$.
ميرسى يا اسماء
ربنا يكرمك يا قمرة
ومببسوطه انك اول كومنت عندى
ربنا يسعدك ويحقق لك كل ما تتمنى يارب
انا كمان كنت بتابع مدونتك...بس بقالى فترة مبقتش عارفع ادخل على مدونتك
ودايما يرفض انى فشوف البلوج مش عارفه ليه
ويجيلى رساله انى اغير الاكونت
بغيرة وبردو مش بيفتح
لو محددة البلوج على اشخلص معينين ...ياريت تسمحى لى انى اكون منهم
وربنا يسعدك يا رب
واشوفك قريب على خير
انا هبهههوب الى علقت علي تعليقك يا اسماء الى فوق
بس بحساب اخر تانى
شوفى المدونه بتاعتك مش بتفتح ليه معايا وقولى لى
وشكرا
وكل عام وانتى والعائله بخير وسلامة
----
كان فى مدونه كمان كنت بحب اقراها بس للأسف اتقفلت واد ايه زعلت انى لما دخلت اقراها لاقيتها اتقفلت
يارب ترجع تانى..يارب
ربنا يزيدك سعادة وفرح
يارب اميين
ربنا يكرمك ويسعد ايامك يا رب
متشكرة يا استاذ محمد عبد الغفار
ah ya Habhooba ana fe3lan 3amlaha for invited readers :D. give me ur gmail account if u have one 3shan a3mellak invitation :D. else, e3mely wa7ed we hateeh :P
elly 2edaak yedeenaa ya seedy ;)
rabena yes3ed ayyamna we yegma3na fyl ganna ya rab al 3alameen
Ahmed 2am bel wageb :D:D
ربنا يجعلك سعيدة كدا على طول وتفرحى بجد ومن قلبك
يارب امييييين
يارب اسعد ايامها واكتب لها كل خير يا رب هى وكل الى حواليها
هه يا ستى ادينى دعيت الدعوتين اللى طلبتيهم
خدى بقى دى كمان من عندى
اللهم ارزقها الخير حيثما كان
واكفها الشر فى كل مكان
وامنحها الرضا والايمان
والله انا سعيده اوى بسعادتك دى
وبكلامك اللى دايما بحسه من القلب
ومادان نقلتيش السبب
يبقى انا هتخيل شويه اسباب حلوه عشان افرحلك اكتر
تحياتى يا ارق هبه
you were tagged by me to say 8 facts no one knows about you and tag another 8 of your friends
يارب اسعد ايامها واكتب لها كل خير يا رب هى وكل الى حواليها
امين يارب العالمين
تحياتى
السلام عليكم......ربنا يبسطك كمان وكمان يا بوبا وتبقي ايامك كلها فرح وسعادة....ههههههه تعرفي كان نفسي اشوفك اوي في اللحظة دي كنت هاضحك ضحك اصلي عارفة بوبا وهي فرحانة بتبقي عاملة ازاي ......انتي وحشتيني اوي جدا خالص ومعلش يا هبة الامتحانات جدولها نزل ومعسكر المذاكرة بدأ والاشغال الشاقة ايييييييه كان يوم زي الفل يوم ما دخت الكلية دي هههههههههههههه
هاتابع اخبارك من البلوج ان شاء الله ويارب دايما سعيدة ومبسوطة وخدي بالك من نفسك وادعيلي كتيييييييييييير احسن حاسة ان دماغي بالظبط بقت زي الكرة الشراب من المذاكرة
السلام عليكم ورحمة الله وبركاته، ازيك ياهبه يارب دايما فى سعادة وفرحه،وانا كان بقالى كام يوم بدعى ربنا يسعد ايامى انا وانتى والمسلمين اجمعين.فالظاهر ان ربنا استجاب ليه.اللهم اسعد ايامها وملائها فرحه وسرور اللهم آمييييين اللهم أمييييين.استودعكى الله الذى لاتضيع عنده الودائع واستودع الله دينكم وخواتم اعمالكم ورحمته وبركاته.
اذيك يابنها وحشاتى جدا ان مبسوطه بحالة اللخبطةالـ انتى فيها الناتجة عن السعادة علعموم اتمنى لك كل خير وكل جميل ويارب ياهبه يسعد ايامك دايما يارب وبعدين لينا قعده تانية معاكى عشان اعرف الاسباب
موره
يارب يسعد ايامك يابنها علطول بالخير ويملى ايامك هنا وسرور
ياااااااااه
كل الناس دى بتحبنى وتتمنى لى السعادة وفرحانين لفرحتى وسعادتى
بحبكم كلكم رغم انى فى ناس معرفهومش ردوا على البوستدا وال مرة يزورونى
وبقولكم كلكم نورتونى واسعدنى وجودكم جمبى
وربنا يسعدكم جميعا ويجعل ايامكم كلها فرحه وسعادة وهنا يارب
بحبكم ف الله
-
-شكرا يا اسماء
وشكرا يا رومى ربنا يوفقك يا حبى ويارب امتياز يارب
متشكرة يا منى على دعواتك الجلوة
وضد الظلم شرفتنى بزيارتك... اتمنى تكون مدونتى عجبتك
ميرسى يا امين وربنا يكتب لك كل خير ويسعد ايامك
متشنكرة يا ميرو بجد انتى عسل عسل
معلش متأخرة شوية
ازيك يا هبههوب
واحشانى
ربنا يديم عليكى الفرح وما يبعدة عنك ابدا ابدا
Post a Comment