اوقات يا دنيا معاكي بعيش
و ساعــــــــات مبفهمكيش
و انتي ولا فهماني
اوقات بحس ان انا مجروح
عــايــــــــش حــــلاوة روح
ودمعتي محوطاني
صـــــــــــــــــــــــــابر ع اللي بيجرالي
وانتي لا ليكي عزيز ولا غالي
**********
اوقات فى عز العتمة بشوف
و ساعات بموت من الخوف
وغصب عني بداري
بحــــلم يعـــدي عليــا الليل
مـــن غيـــر عذاب ولا ويل
و تحسي مرة بناري
صــــــــــــــــــــــــــابر ع اللي بيجرالي
و انتي لا ليكي عزيز ولا غالي
**********
اوقات بتخــــدي اعز الناس
و اقول نصيـــــبه خلاص
و اصبر على احزاني
وانتي لا ليكي عزيز ولا غالي
----
الحمد لله عل كل شىء
---
6 comments:
السلام عليكم
مدونتك رائعة وتحياتى
هبة
أنتي بتقلقيني عليكي قوي
عايزة أقولك إن مفيش حاجة تستاهل زعلك
ربنا يفرج همك ويشرح صدرك ويفك كربك
وطمنيني على اخبارك
لأني حاسة أنك متضايقة أوي
هبه
يمكن مش عارفه مالك
لكن حاسه بكل كلمه
انا خايفه عليكى اوى
ربنا يقويكى ويهديكى لما يحب ويرضى
ويفك كربك ويزيل همك وهمى
منى
احاسيس
السلام عليكم ورحمة الله وبركاته.
اللهم عافنا واعفوا عنا ،اللهم ارحمنا فانك بنا راحم ولاتعذبنا فانت علينا قادر.
اللهم اصلح لنا الاحوال ،ويسر لنا الامور كلها،واصلح ذات بيننا،يا ارحم الراحمين يارب العريش العظيم.
الهم انى ادعوك فى هذه الليله المباركه ،بحق جاهك العظيم وبحق جاه نبيك المصطفى صلى الله عليه وسلم انت ترحمنا ،وتيسر لنا الاحوال ومن نحب.
اللهم اجمعنا بهم فى الدنيا والاخرة.
لا اله الا انت سبحانك انى كنت من الظالمين,يا مفرج الكرب العظيم.
ربنا لاتؤاخذنا ان نسينا او اخطأنا ربنا ولا تحمل علينا اصرا كم حملته على الذين من قبلنا ربنا ولاتحملنا ما لا طاقة لنا به واعفوا عنا واعفوا عنا واعفوا عنا واغفر لنا واغفر لنا واغفر لنا وارحمنا وارحمنا وارحمنا انت مولانا.......
استودعكى الله الذى لاتضيع عنده الودائع،واستودع الله دينكم وخواتم اعمالكم ورحمته وبركاته.
السلام عليكم ورحمة الله وبركاته.....ازيك يا بوبا....بصي انا عايزة اقولك علي حاجة عارفة ايه اجمل احساسين ممكن للانسان يحسهم في الدنيا علي الاطلاق؟؟؟اقولك......الاحساس الاول انك تحصلك حاجة والحاجة دي بالنسبالك وحشة انتي حاسة انها صعبة عليكي بس في عز ما انتي زعلانة تبقي من جواكي راضية جدا جدا وتقولي يارب زدني لو راضي عني....والاحساس التاني اللي هوا اجمل واجمل انك تحصلك حاجة وبعدين تزعلي وتعيطي وتنهاري وتحسي ان حاجة عزيزة راحت منك وتمر بيكي الايام وبعدين تلاقي ان فعلا ربنا اختار لك الصح وان لو حصل زي ما كنتي عايزة مكنتيش هاتبقي سعيدة عارفة ساعتها بجد هتحسي اد ايه ربنا بيحبنا واد ايه بيختار لنا الخير بس احنا بقي مفروض نصبر ونثبت لربنا اننا راضيين بتصرفاتنا .....دوول فعلا اجمل احساسين انا عشتهم في حياتي .....تفائلي يا هبة(( الحلو لسه جااااااي )) وبعدين عايزة اقولك علي حاجة كمان ماتحاوليش تفهمي الدنيا يعني الدنيا دي اساسا طريق استغلي كل لحظة فيها انك تعملي حاجة تقربك من ربنا وربنا يكرمك يا بوبا يااااااااارب ويفرحك ويفك كربك .....لا اله الا انت سبحانك اني كنت من الظالمين
السلام عليكم
متشكرة ليكم كلكم على كلامكم الجميل وخوفكم وقلقكم عليا
كتر خيركم..متشكرة
--
انا حابه اطمنكم انى بخير الحمد الله
واحمد لله على كل شىء...وانا راضيه بالى ربنا قاسمهولى والحمد لله
ومش بعترض على قضاء ربنا
بس زى ما فى منكم قال ان القلب ليحزن وان العين لتدمع
بس اكيد الحياة بمشاغلها بتنسى الانسان همومه
الحمد لله
----
انا بحمد ربنا ان لما اكون ف حاله نفسيه مش حلوة بلاقى ربنا رزقنى بحاجه تشغلنى وتنسينى الى انا فيه
والحمد لله الفترة دى مش لاحقه اهرش من كتر الشغل
والحمد لله
قدر الله ما شاء فعل
ولعل فى ذلك خير
----
وبجد انا بخير والله ومش بقول كدا علشان اطمنكم وخلاص انا لو مش كويسه هقول على طول انتوا عارفين انى مش بعرف اخبى وخصوصا مشاعرى
---
ربنا يكرمكم جميعا ويخليكم ليا وربنا يسترنا فوق الارض وتحت الارض ويوم العرض عليه
ربنا يجمعنا تحت ظله يوم لا ظل الا ظله
الحمد لله
Post a Comment