بعد الحب ده ايه
الى تعمل كل ده تستاهل ايه
بعد الحب ده ايه
الى تدى حنان كده من غير حساب نبوس التراب الى بتمشى عليه
----
امى ثم امى لحد اخر يوم فى عمرى
حب من اول حياتى وهمه همى
الى كتر خيرها داب خيرها فى دمى وعايش بيه
-----
بعد الام فى ايه
دعوه حلوه فاتحه سكه مقفله
بعد الام فى ايه
يهدى باله الى فى عياله الدنيا كلها مفتوحاله وراضيه عليه
----
-
امى ثم امى لحد اخر يوم فى عمرى حب من اول حياتى وهمه همى
الى كتر خيرها داب خيرها فى دمى وعايش بيه
اعملها تمثال
الى طيبه قلبها فوق الخيال اعملها تمثال
الى سهرت والى تعبت والى ربت والى شالت حمل جبال
---
--
هعملك ايه
تستهلى مية الف عيد على عملتيه
لو هعملك ايه مين فى تعبى سهر منمش
مين فى اول مره بمشى سندت عليه
-----
بعد الى عملتيه اعمل ايه يوم فى الى وصلتينى ليه
بعد الى عملتيه
من حنانك من سماحتك الجنه تحتك ده الى ربنا قال عليه
----------
امى ثم امى لحد اخر يوم فى عمرى
حب من اول حياتى وهمه همى
الى كتر خيرها داب خيرها فى دمى وعايش بيه
امى ثم امى لحد اخر يوم فى عمرى
حب من اول حياتى وهمه همى الى كتر خيرها داب خيرها فى دمى وعايش بيه
بحبك يا امـــــــــــــــــــــــــــــــــــى............
6 comments:
بجد الام دي نعمة
الواحد ماعلرفش هي تعبت قد ايه الا لما حملت وجبت اولاد بيطلعوا عيني دلوقتي
ربنا يخليلنا أمهاتنا ونقدر نوفيهن حقهن
والمطرب الشعبى رمضان البرنس قال عينى على الام وحنان الام من غير الام حلنا يغوم لخال ولا عم بيشيلو الهم
تحياتى لكلامك الاكثر من رائع وبرضو مش هنكفى حقها
تحياتى
ابوالعربى
على فكره عيد الام خلص من زمان:)
بهزر طبعا احنا كلنا بنحب امهاتنا في كل وقت وعلى فكره انا بموت في الاغنيه ده وبعتها لماما في عيد الام اللى فات
اش اش
ازيك يا هبههوب
بجد انتى جميلة اوى ورقيقة خالص
الاغنية دى حلوة خالص وبقت احلى لما انتى كتبتيها
تسلم ايدك يا قمر
حقيقي مقدرش أتخيل نفسي من غير أمي أبداً
ازيك ياجميل - وحشتينى قوى انا بقالى كتير قوى مادخلتش النت علشان امتحانات ولادى
هاقولك على حاجه حصلت لى مناسبة موضوعك الجميل ده
اختى الكبيرة اجوزت قبلى وجابت ابنها الكبير قبل ماتجوز باربع سنين -وحضرت معاها الولادة وكانت صعبة جدا لدرجة انى قلت لما اجوز مش
هاجيب ولاد
لكن انا حبيت ابنها جداواتضايقت جدا لما خدته وسافرت
لكن ماما قالت لى عمرك ماهتحبيه قد امه- ماصدقتهاش غير لما جبت ابنى الكبير-وكانت ولادة صعبه جدا
لكن نسيتها وجبت بنتى وابنى الصغير-وحصلتلى مضاعفات خلتنى ماعرفش اخلف تانى
انت عارفه الى زعلنى مش انى ولدت 3 مرات ولا انى عملت 3عمليات-
الى زعلنى بجد انى مش هاعرف اجيب بيبى تانى
لكن الحمد لله على كل حاجه -انا عندى 3 ولاد بحبهم اكتر من الدنيا كلها-طولت عليك لكن الخلاصه انك عمرك ماهتعرفى الام بتتعب قد ايه غير لما تخلفى وتمسكى ابنك بين ايدك وتشوفيه بيكبر كل يوم-انا حبيت امى جدا بعد ماخلفت-اكتر بكتير من زمان
وربنا يخلى كل الامهات
- داليا -
Post a Comment