السلام عليكم احبائى
وحشتونى اوى
انا عارفه انى مقصرة معاكم
وكتير بمر بمواقف وظروف بتدفعنى انى اكتب واتكلم
بس مش عارفه انا بقيت كتومه يمكن او بمعنى اصح مبقتش عايزة اكتب حاجه قد تكون كويسه بالنسبالى بس لكن ممكن تضايق اى حد
بقالى فترة والله نفسى اكتب والى دفعنى اكتب انهاردة هو كذا حاجه
---
طبعا الانسان ف حياته بيمر بظروف كتير اوى منها الحلو ومنهم الوحش
ولما بيمر بالحلو بيبقى فرحان وقد ينسى ان يحمد ويشكر صاحب هذة النعم
لكن اول ما بيمر بالوحش بيفتكر ربنا ويلجأ له ويقوله
يااااااااااااااارب
-----
انا من كام يوم مريت بظرف ما وكنت مخنوقه شويه وحسيت بأحاسيس كتير
اصعبها انك تلاقى ناس كتير حواليك وانت غريب وحاسس انك لوحدك ومش شايف حد من الى حواليك
ساعتها لجأت لربنا وصليت وبكيت بحرقه وقلت له يارب انت عالم بحالى وغنى عنى وعن سؤالى ..خليك جمبى وفك كربى
فجأة وانا بين يدى الله...نسيت الى مضايقنى وحسيت بشعور غريب
وهو انى بقالى فترة كبيرة اوى تقريبا من رمضان الى فات موقفتش الوقفه دى قدام ربنا
بصلى الفرض اة لكن مش بالخشوع الى حسيته وانا محتجاله
وساعتها بقيت ببكى اكتر على انى مقصرة ف حق ربنا ...وبقلوا يسامحنى ... ونسيت كل همى
ووالله والله يا جماعه....انا بعد ما قومت من الصلاة ... كل الهم الى كان على اكتافى راح ...والله راح وحسيت بحاله من الرضا وعدم السخط
ربنا رحيم اوى يا جماعه
احنا الى محتاجين له وهو الغنى عنا
ورغم كدا بيندهلنا وبيقولنا هل من داع هل من مستغفر
----
تعرفوا من شويه قريت بوست حلو اوى اد ايه هزنى ف مدونه رومى حبيبتى واختى الانتيخ
كانت كاتبه عن الرضا بالقضاء والقدر وان الانسان لازم ف كل احواله يرضى وميزعلش من ان كل الى كان مرتب له راح بفعل القدر
ويرضى ويعرف ان دا الخير له وان ربنا شايل له الخير وانه مخلى له الحاجه الافضل له
لو الانسان فكر ف كل امور حياته كدا هيسعد وهيكون دايما راضى
والله والله السعادة ف الرضا
-----
والى ربنا يرزقكم جميعا ويفتحها عليكم من وسع
بمناسبه الرزق ..انا قريت ف مدونه انسانه موضوع بعنوا ن عايز فلوس
.. الى عايز رزقه يزيد
ألم تقرأ قول الله تعالى : ( فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا )
وكمان يا جماعه عليكم بقراءة سورة الواقعه كل ليله
قال رسول الله صلى الله عليه وسلم: من قرأ سورة الواقعة كل ليلة لم يصب بفاقة أبداً
ربنا يبارك فيكم
عندنا الحل والعلاج ودايما بنشتكى ...والحل الاعظم والامثل ف الرضا....والى مبيرداش يا جماعه حياته دايما بتكون تعيسه لانه مهما ربنا اداله مش بيرضى وبيكون دايما ساخط
علشان كدا عمرة ما بيحس بالسعادة ابدا
-------
انا مش هطول عليكم المرة دى
وبشكر رومى الى شجعتنى انى اكتب تانى وانور مدونتى..هههه
اسفه انى اتأخرت عليكم واوعكم انكم هتشوفونى كتير الفترة الجايه
وان شاء الله فى طاعه الله وفي تقدم وحب ورضا وسعادة
بحبكم ف الله
----
وبطلب منكم تدعوا لى ان ربنا يييسر لى حالى ويدبر لى امورى
استودعكم الله الذى لا تضيع عنده الودائع
6 comments:
سلام عليكم.....
بوبااااااااا حبيبة قلب رومي
حمدلله علي سلامتك يا حبي نورتي مدونتك
اد ايه كنت مفتقدة كتاباتك يا بوبا
ايوة كده نوري دنيتي من تاني
ربنا يفرج كربك يا هبة ويشرح صدرك يارب ويقربك منه كمان وكمان ويفتح لك باب هداية قادر كريم
مش عايزاكي تستسلمي لاي ظرف صعب انتي بتمري بيه وتأكدي ان فرج ربنا قريب جدا جدا اقرب ليكي مما تتخيلي
ماتزعليش علي اي حاجة راحت منك وارضي بقضاء ربناوشوفي ربنا هايكافئك ازاي نتيجة صبرك
ربنا يسعد ايامك ويفرح قلبك
انا مستنية بوستات تانية
ماتتاخريش علينا ومتحرميناش من كلامك الجميل ده
بحبك اوي يا اغلي واعز انسانة عندي
ربنا يحفظك
لا اله الا الله
سيدنا محمد رسول الله
هبهههههههوب
ازيك يا حبيبتي عامله إية
وحشتيني والله ووحشتني مواضيعك
أنا فرحانة أوي ومظقططة
عشان رجعتي
.........................
يلا قولي ورايا الدعاء ده
لا إله إلا الله الحليم الكريم، لا إله إلا الله العلي العطيم، لا إله إلا الله رب السموات السبع رب العرش العظيم
اللهم يا مؤنس كلّ غريب ويا صاحب كلّ وحيد ويا ملجأ كل خائف ويا كاشف كلّ كربة أسألك لأن تقذف رجاءك في قلبي حتى لا يكون لي همُ ولا شغلُ غيرك وأسألك أن تجعل لي من أمري فرجاً ومخرجاً إنك على كل شيء قدير
..................................
تقربي إلى الله أكثر وداومي على قراءة القرآن والأعية وأنتي إن شاء الله هتكوني كويسه..ربنا يخليكي
E7L , nice to read these words on your blog , and i wish the best for you isA ...
,ur brother
ازيك يا هبهههوب
فينك من زمان
حمد الله على السلامه
ويارب منوره مدونتك دايما
أزيك يا هبهوب
وحشاني جدا
حمد الله على السلامة
ربنا يوفقك وتكوني دايما بخير
يااااااااااااااااااااااااة يا بوبا
واحشانى يا قمر
وحشنى كلامك الجميل
فعلا محتاجين نقرب لربنا كل وقت مش بس وقت الشدة
لكن يمكن شدتنا بنفتكرة لانه الوحيد اللى يقدر يفرج همنا
ربنا يسعدك وميحرمناش منك ابدا يا قمر
Post a Comment